Дәріс 2. Арнайы мектепте қазақ тілін оқытудың принциптері, заңдылықтары
Баланың психикалық дамуында сөйлеу функциясы маңызды қызмет атқарады. Сөйлеу тілінің көмегімен оның танымдық әрекеті, ойлау қабілеттері қалыптасады.
Тілдік белгілерді меңгеру – тілдің дыбысталуы мен сөйлеу мүшелері бұлшық еттерінің соған сәйкес қозғалуын есте сақтау. Оның қандай затқа немесе құбылысқа және т.б. қатысты екендігін есте сақтау және мағынасын ұғыну.
Сөйлеу дегеніміз – лексикалық, грамматикалық тілдік белгілерді қарым-қатынас барысында тану үшін дұрыс қолдана білу. Сонымен бірге сөйлеу – тілдік белгілерді нақты жағдайда қолдану. Лексикалық және грамматикалық тілдік белгілерді қолдану ережесін тілдік қалып деп атайды.
ЕҚЗБаланы тілге үйрету – оған «тілдік материяны» (сөйлеу мүшелерін жаттықтыру), меңгерту (есте сақтату), лексикалық және грамматикалық тілдік белгілердің мағынасын түсінуге жеңілдік жасау (ой-өрісті жаттықтыру), лексико-грамматикалық белгілердің көмегімен нақты жағдайға баға беру (эмоция мен сезімді жаттықтыру), қолданыс дәстүрін жеңілдету (үйлесімділік, өзара алмасу мүмкіндігі) болып табылады.
Достарыңызбен бөлісу: |
