І бөлім бойынша тұжырымдама
Сонымен, қорытындылай келе дипломдық зерттеу жұмысының теориялық бөлімінде жаңа инновациялық оқыту технологиясының ерекшеліктері, оқытудың озық үлгісі – арттерапия және оның элементтері мен “Өзін-өзі тану” бағдарламасына қатысты көзқарастардың ғылыми-әдістемелік тұжырымдамалары келтірілген. Оқыту технологиясының озық үлгісі ретінде арттерапияның ерекшеліктері, оқыту процесінде қолданылатын элементтері мен арттерапияның диагностикалық, профилактикалық және психокоррекциялық жақтары қарастырылды.
Зерттеу жұмысымызға өзек болған еңбектер Л.С.Выготскийдің жоғарғы психикалық функциялардың мәдени-тарихи даму туралы теориясы; А.Н.Леонтьевтің іс-әрекет теориясы; прфессор С.М.Жақыповтың бірлескен-диалогты іс-әрекеті; З.Фрейд пен К.Г.Юнгтің бейсаналық туралы психоаналитикалық теориясы және С.А.Назарбаеваның “Өзін-өзі тану” бағдарламасы.
Жоғарыда аталған еңбектерге сүйене отырып жүргізілген зерттеу жұмысының теориялық бөлімінде оқыту процесінде арттерапия элементтерін жүйелі әрі бірізді, срнымен қатар сауатты қолдана білу әрбір жек тұлғаның өзін-өзі тануына жол ашады. Оның шығармашылық қабілеті мен қиялы байып, креативті ойлау қабілеті дамиды және өзін-өзі бағалауы жоғарылайтындығы анықталады.
Сонымен, инновациялық оқыту технологиясының озық үлгісі ретінде арттерапия және оның элементтерін оқыту процесінде қолдану өте маңызды әрі тиімді болып келетіндігі анықталған. Сонымен қатар, арттерапия элементтерін оқыту процесінде қолдану сабақты жандандыра түседі.
2 бөлім. Арттерапияны білім беру процесінде қолданудың эксперименталды зерттеу бөлімі
Достарыңызбен бөлісу: |
