Асылхан Абдраим
жүктеу/скачать 6,3 Mb. Pdf көрінісі
|
ФОТОЖУРНАЛИСТИКА 2 шыгарылым (1)
| 3.2
Фотоаппаратты қалай таңдау керек? Андрей Поповтың «Фотоаппаратты қалай таңдау керек және суретке түсіруді қалай үйренген жөн?» деп аталатын кітабы бар. Фотоөнер саласына ден қойған әуесқойлар үшін таптырмайтын оқулық. Мәселен, сіз фотоаппарат сатып алуды ұйғардыңыз. Оны қалай таңдайсыз? А.Попов осыған толымды жауап береді. Ең алдымен «арзанның жілік майы татымас» дегенді есте сақтағаныңыз жөн. Фотоаппарат қаншалықты қымбат болса, оның оптикасы да соншалықты сапалы немесе қосымша мүмкіндіктері көп деген сөз. Сондай- ақ, егер қымбат болса, ағылшындар немесе жапондардың өздері шығарған бәсі жоғары өнім болуы мүмкін. Әсілі, жұрт фотоаппаратты ұзақ мерзім бойы пайдалану үшін бір-ақ рет сатып алады. Сондықтан ақшаны аяп қалмаған дұрыс. Әрине, әркім көрпесіне қарай көсіледі. «Тиын-тебенге» сапалы өнім сатып ала алмайсыз. Дегенмен де, фотоөнерге бас сұққан екенсіз, аянып қалмаңыз. Әдетте, әуесқойлар ең арзан фотоаппаратты таңдайды. Мұнысы заңды да. Бірақ, онымен түсірген суреттердің 30 пайызға жуығы ғана жарамды болып шығады. Ал қалғаны – шығын. Біріншіден, бұл сіздің уақытыңызды шығын етсе, екіншіден, аса маңызды кадрларыңыз «күйіп» кетуі мүмкін. Ал дәл сол әуесқой адам өте сапалы фотоаппаратпен түсірсе, тәжірибесі жетіңкіремесе де түсірген суреттерінің 98-99 пайызы мөлдіреп шығады. Әрине, мұндай сапалы тауарды сатып алуға екінің бірінің шамасы жете бермейтіні түсінікті. Сондықтан дүкенге бармас бұрын мына екі маңызды мәселені шешіп алыңыз: біріншіден, сатып алатын фотоаппараттың мүмкіндігі қандай болғанын қалаймыз? Екіншіден, қандай өнімді сатып алуды қалтаңыз көтереді? Осы екі мәселені ұштастыру арқылы ұтылып қалмауға болады. Фотоаппараттың ең құнды ажырамас бөлшегі – объектив. Объектив пластмассадан немесе әйнектен жасалуы мүмкін. Мұның қайсысы жақсы? Әрине, әйнегі. Танымал фирмалар объективті тек әйнектен немесе өте сапалы оптикалық пластиктен жасайды. Қазір тіпті, пластикалық кәсіби объективтер шығарыла бастады. 112 Объективтің сапалы-сапасыздығын қалай ажыратамыз? Бұл – оп-оңай. Тек объективке үңілсеңіз болғаны. Сапалы объективтің түсі аздап көгілдірлеу немесе күлгіндеу тартып тұрады. Егер әйнек объектив көзге көрінбей тұрса, сапасы жақсы болғаны. Сондай-ақ объективтің іші терең құдықтың түбіндей қап-қара болып тұруы шарт. Сапасыз өнімнің объективінің іші бұлыңғыр тартып тұрады. Бұған сіз бірнеше фотоаппаратты салыстыру арқылы оңай көз жеткізесіз. Бұдан кейін қолдану тәртібіне көз салыңыз. Абыройын ойлаған фирма техникалық мінездемесіне фотоаппарат объективінің жарық күшін өткізу мүмкіндігін міндетті түрде көрсетеді. Мәселен, F3,5 деген сияқты. Математикалық формуламен басыңызды қатырмай-ақ қояйық, объективтің жарық күші – аса маңызды бөлшек. Объектив жарықты қаншалықты өткізеді? Жарықтың көп өткені дұрыс па, әлде... Жарықтың барынша аз өткені жөн. Бұл формуланың ең дұрыс нұсқасы – F=1. Яғни объектив өткен жарықты жоғалтпай, толық қамтып үлгереді деген сөз. Сондықтан фотоаппараттың F формуласының саны мейлінше аз болғаны дұрыс. Сапалы өнімнің арзан тұрмайтынын жоғарыда айттық. Фотоаппаратта объективтен басқа да маңызды құрылғылар болады. Мәселен, жарық түсіргіш, ЖК-индекатор, зум (zoom), фокустық арақашықтық, TTL-замер, тағысын-тағылар. Бұларға да көңіл аударуды ұмытпаңыз. жүктеу/скачать 6,3 Mb. Достарыңызбен бөлісу:
|