Композиция – жеке элементтердің бірыңғай тығыз байланысы.
Суреттің мән-мағынасы, кескін-келбеті осы композицияға тәуелді болады.
Композиция бірнеше құрылымынан құралады. Бірінші: тақырыптық
орны, яғни сюжеттік мән-мағынасы, екінші: осы композицияға қатысатын
элементтер.
Композицияны толықтыратын маңызды нәрселер–ракурс, жарық,
түсірілім нүктесі, нақыш, түсірілім уақыты, контраст, план.
Композицияның сюжеттік – тақырыптық орны Кез-келген жанрда кадрге ілінген элемент өзіндік рөл атқарады. Кейбір
элементтер суреттің мақсатын көрсетсе, қайсыбір элемент суретке мінездеме
беріп, уақыт айырмашылығын көрсетеді. Сондықтан да суретке кедергі
болатын элементтерді көзден таса қалдырмау керек. Суретке ешқандай
қатысы жоқ болса, ондай элементтерді кадрге кіргізудің еш маңызы жоқ.
