2.12 Фотоодақтар мен ұйымдар Әлемдегі баспасөз фотографтарының ең алғашқы ұйымы – 1912
жылы Дания мемлекетінде пайда болды. Бұл ұлттық ұйымның Копенгагенде
құрылуына күш салған – даттық алты фоторепортер. Бүгінгі күні одақтың
800-ге тарта мүшесі бар.
Қазақстандағы «ФОТОӨНЕР» қоғамдық бірлестігі 2010 жылы 25 тамызда фотосуретшілер мен фотожурналистердің
бастамасымен «ФОТОӨНЕР» қоғамдық бірлестігі құрылды.
Бірлестіктің құрылу мақсаты болып:
-Қазақстанда фотопублицистика және фотосурет саласын дамыту;
-Бірлестік мүшелерінің әлеуметтік-экономикалық және заңды құқықтарын
қорғау;
-Бірлестік мүшелерін соңғы техника түрлерімен қамтамасыз ету, жұмыс
жүргізу әдістерін халықаралық деңгейге жеткізу;
-бірлестік мүшелерінің заң шеңберінде тиімді қызмет етуіне мүмкіндік
туғызу және шығармашылық идеяларын кеңінен өріс алу үшін қолдау
көрсету;
-Фотожурналистика саласындағы мамандарды, әуесқойларды біріктіру,
тәжірибе алмасу;
-Фотомұрағатты бүгінгі заманға сай Қазақстан Республикасының
қолданыстағы заңдарына сәйкес жүйеге келтіру;
-Фотоальбомдар шығару, фотокөрмелер, фотоконкурстар өткізу;
-Басқа елдердегі әріптестермен тәжірибе алмасу;
-Съездер, конференциялар, форумдар, фотожәрмеңкелер және де басқа
шараларға атсалысу, ұйымдастыру.
104
Халықаралық «Шалкөде – елдің жайлауы» фототүсіріліміне қатысқан фотосуретшілер. 2012 жыл.
