Ойықтың үшінші кезеңінің белгілері: мұйық жарылып, жара пайда болады.
Жүргізілетін шаралар: Уфо қолданылады, майлы таңғыш, ( 1% синтомицин эмульсия, Вишневский майы, 10% стрептоцид, облепиха майы және т.б.) арасына дөңгелекті резеңке салады.
Ойықтың төртінші кезеңінің белгілері: терінің, тері асты торшасы және басқа жұмсақ ұлпалардың некрозы дамиды.
Жүргізілетін шаралар: некроз тоқтағаннан кейін өлген ұлпаларды алып тастайды жараға калий перманганатының 0,5% ерітіндісі немесе 1: 5000 фурацилин ерітіндісі бар таңғыш салады. Ірің болған жағдайда – антисептиктер ерітіндісімен шаяды, ( 1:5000 фурацилин ерітінідісі , сутегі тотығының 3% ерітіндісі, калий перманганаты 0,5 % ерітіндісі), таңғыш. Жараны тазалап толығымен майлы таңғышқа көшеді, жараның жазылуына көмектесетін майлар қолданылады ( солиосерил, опипон және т.б.).
Есте сақтаңыз! Ойықтың пайда болуының барлық кезеңдерінде ойықтың алдын – алу шараларын күшейту керек.
Науқастың төсегін ауыстыру
Ауыр сырқатты емделушінің төсегін екі әдіспен ауыстыруға болады:
Бірінші әдіс – науқасқа төсекте аунауға рұқсат етілген жағдайда қолданылады.
Екінші әдіс- науқасты төсекте белсенді қозғалыстар рұқсат етілген жағдайда қолданылады.
