С.Сейфуллин атындағы Қазақ Агротехникалық университетінің «Майлы дақылдарды қайта өңдеуге арналған тәжірибелік өндіріcтік цехында» қыркүйек айының 6 -күні мен қараша айының 12-күні аралығында қашықтықтан болған тәжірибеден өттім. Жеке берілген тапсырма тақырыбы: «Нан өнімдерінің технологиясы. Нан түрлері. Нан өнімдерін өңдейтін цехындағы қолданылатын құрал-жабдықтары» болатын.
Тәжірибе кезінде университетіміздің нан цехына тоқталып, жалпылама шолу сабағы өтті. Нан өнімі технологиясы жайында қысқаша ақпарат айтылды. Өз тақырыбым бойынша қосымша сұрақтар қойып, білімімді толықтыра түстім.
Нан өнімдерін дайындау технологиясы келесі сатылардан тұрады: шикізатты мөлшерлеу; қамыр илеу; қамырды ашыту; қамырды бөлу; қамырды тындыру, пісіру.
Өндірістік тәжірибеден алған білімім мен төменде көрсетілген әдебиеттерге сүйене отырып, әр сатыға тоқталып, тақырыпты барынша ашуға тырыстым. Қосымша нанның басқада түрлері жайында да аздап тоқталып өттім. Есептің басында күнделікті өмірден байқағанымды мысал ретінде келтірдім. Нанның тағамдық маңызы, оның құрамы, категорияларын да қарастырдым.
Қорытындылай келе айтқым келгені: С.Сейфуллин университетінің қай саласы болмасын, білікті мамандарды даярлауда алдыңғы орындарда. Әсіресе, өндірістік тәжірибелерге арналған цехтардың арқасында тамақ өнеркәсібінің мамандарының білім деңгейін көтеріп, жаңа бастамаларды бастауға және өнімдерді жақсартуға үлкен үлес қосуды.
