Қазақстан Республикасы Білім және ғылым министрлігі «Кәсіпқор» Холдингі» коммерциялық емес акционерлік қоғамы
жүктеу/скачать 1,63 Mb. Pdf көрінісі
|
1 til damytu negizderi
| Баспа үстел ойындары.
Баспа үстел ойындары – балалар үшін қызықты іс. Олар түрлері бойынша әртүрлі: жұп суреттер, лото, домино. Оларды пайдалануда шешілетін дамытушы міндеттер де әртүрлі. Суреттерді жұп бойынша таңдау. Осындай ойындағы ең қарапайым тапсырма – әртүрлі суреттер арасында екі бірдейін табу: түсі мен үлгісі бойынша бірдей екі телпек немесе сырттай бір - бірінен еш айырмашылығы жоқ екі қуыршақ. Содан соң тапсырма күрделенеді: бала суреттерді тек сыртқы белгілеріне қарай біріктірмейді, сондай - ақ мәні бойынша: мысалы, суреттер арасында екі ұшақты, екі алманы табу. Ұшақ та, алма да суретте бейнеленген, олар түсі бойынша, пішіні бойынша әртүрлі болғанымен, олардың бір зат түріне жататындығы біріктіреді, ұқсастырады. Ортақ белгілер бойынша суреттерді таңдау (жіктеу). Бұл жерде заттар арасындағы байланысты жалпылау, анықтау талап етіледі. Мысалы, «Бақта (орманда, бақшада) не өседі?» ойынында балалар өсімдіктердің тиісті суреттерін таңдайды, олардың өсу жерімен ара қатынасын белгілейді, осы белгі бойынша біріктіреді. Немесе «Содан сон не болды?» ойыны: балалар ұандай да бір ертегінің мазмұн әрекетінің даму жүйелілігін ескере отыра иллюстрациялар таңдайды. Суреттердің құрамын, санын және орналасуын еске сақтау . Ойындар заттармен жүргізілгендей жүзеге асырылады. Мысалы, «Қай суреттің жасырылғандығын ойлап тап» ойынында балалар суреттер мазмұнын еске сақтайы қажет, содан соң олардың қайсысын суретімен төмен айналдырғандығын анықтауы қажет. Бұл ойын есті, еске сақтауды және еске түсіруді дамытуға бағытталған. Бұл ойын түрінің ойын дидактикалық міндеті балалардың бойына есептік және реттік шот туралы, үстел үстіндегі суреттердің кеңестікті орналасуы туралы (сол жағында, оң жағында, үстінде, астында, алдында, бүйірінен және т.б.) білімдерді, суреттермен болған өзгерістер, олардың мазмұны туралы байланыстырып айту білігін бекіту болып табылады. Кеспелі суреттермен және кубпен жұмыс. Бұл ойын түрінің міндеті – балаларды логикалық ойлауға үйрету, жеке бөліктерден тұтас заттарды құрастыру білігін дамыту. Бұл ойындағы күрделілік бөліктер санын ұлғайту, сондай - ақ құрамын, суреттер мазмұнын күрделендіру болып табылады. Егер кіші топта суреттерді 2 - 4 бөлікке кессе, орта және жоғары топтарда 8 - 10 бөліктерге бөледі. Сонымен бірге, кіші топтардағы ойын үшін суреттерде бір зат бейнеленеді: ойыншық, өсімдік, киім заттары және т.б. Үлкен балалар үшін суреттерде оларға таныс көркем әдебиеттеріндегі, ертегілердегі заттар бейнеленеді. Негізгі талап – суреттердегі заттардың балаларға таныс болуы. Тұтас суреттің болуы мәселені шешуді жеңілдетеді. Сондықтан да, кіші топтардағы балалар үшін тұтас суреттер беру қажет, тапсырма берілмес бұрын суреттің бөліктерінен тұтас суретті құрастырып, оны балаларға көрсетіп алу қажет. Әрекет, қозғалыс көрсете отыра сурет жөнінде айту, сипаттау. Бұл ойындарда тәрбиеші мына міндетті қояды: балалардың тек сөйлеуін ғана дамытпай, қиялы мен шығармашылығына да дамыту. Жоғары топтарда күрделірек міндеттер шешіледі: бір балалар суретте салынған әрекетті бейнелесе, басқалары – суретте ненің салынғандығын, адамдардың не істеп жатқандығын айтады, мысалы, өрт сөндірушілер өрт сөндіріп жатыр, теңізшілер теңізде жүзіп келе жатыр, құрылысшылар үй салып жатыр, оркестр әртүрлі аспаптарда ойнап жатыр. Бұл ойындарда баланың қажет бейнені жасауда шығармашылық ізденіске, қайта түрлендіруге қабілеттілігі секілді тұлғалық қасиеттері қалыптастырылады. жүктеу/скачать 1,63 Mb. Достарыңызбен бөлісу:
|