3 Алғы сөз Ұсынылып отырған оқулықта авторлар биологиялық химия-
ның негіздерін осы ғылымның қазіргі даму дəрежесіне сай баян-
дауды көздеді.
Тіршілік құбылыстарын тереңірек білуде биологиялық хи-
мияның алатын орны ерекше, оның жетістіктері адам өмірінің
əртүрлі салаларында (белоктар биохимиясы, ауылшаруашылық
биохимиясы, тамақтану биохимиясы жəне т.б.) қолданылады.
Білім алу процесін мемлекеттік тілде, яғни қазақ тілінде
жүргізу көптеп қолға алына бастады. Пəннің жоғары деңгейде
өтуіне қазақ тіліндегі оқулықтардың жетіспеушілігі өзінің ық-
палын тигізеді.
Фундаментальді ғылымдардың негізгілерінің бірі болып
есептелетін биохимиядан қазақ тілінде жазылған оқулықтар
жоқтың қасы.
Жоғары оқу орындарының биология, биология – химия
жəне химия – биология мамандықтарына арналған «Биохимия
негіздері» атты оқулық осы салада қазақ тілінде жазылған оқу
құралдары мен оқулықтар қатарын толтыру мақсатында дайын-
далды.
Оқулық Қазақстан Республикасының білім жəне ғылым
министрлігінің университет студенттеріне арнап бекіткен био-
логиялық химия пəні бағдарламасына сəйкестендіріліп жазыл-
ды. Сонымен бірге, осы салада басқа тілдерде жарық көрген
оқулықтардың негіздері де ескерілді.
