Ќазаќстан Республикасы Конституциясыныѕ 52-бабыныѕ
жүктеу/скачать 7,99 Mb.
|
| ҚАУЛЫ ЕТЕДI:
1. Қазақстан Республикасы Конституциясының 52-бабы 4-тармағында, 71-бабы 5-тармағында, 79-бабы 2-тармағында, 83-бабы 3-тармағында және 15-бабы 2-тармағында "ауыр қылмыс" және "ерекше ауыр қылмыс" деген санаттар берiлген. Қазақстан Республикасы Конституциясының бұл аталған нормаларынан келiп шығатыны, ерекше ауыр қылмыс өзiнiң қоғамдық қауiптiлiк сипаты мен дәрежесi жағынан ең ауыры болып табылады. Қылмыстарды топтастыру қылмыстық заңнама аясына жатады. 2. Қазақстан Республикасы Конституциясының 15-бабы 2-тармағын, "өлiм жазасы ерекше ауыр қылмыс жасағаны үшiн ең ауыр жаза ретiнде заңмен белгiленедi..." деген бөлiгiнде, заң шығару арқылы өлiм жазасын белгiлеуге қойылатын шектеу деп түсiнген жөн, бұл жаза өзге жеңiлiрек қылмыс үшiн емес, ерекше ауыр қылмыс үшiн көзделiнедi. Бұл ретте ерекше ауыр қылмыс үшiн заңда өлiм жазасынан басқа өзге де жаза көзделiнуi мүмкiн. 3. Қазақстан Республикасы Конституциясының 52-бабы 4-тармағында, 71-бабы 5-тармағында, 79-бабы 2-тармағында және 83-бабы 3-тармағында белгiленген қол сұғылмаушылықтан айыру тәртiбi, тұлға әрекетiнiң саралануы өзгерген жағдайда да оның сақталуын көздейдi, оны тұтқынға алу және қылмыстық жауапқа тарту кезiнде бұл аталған конституциялық талаптарды сақтау қажет болады. 52-баптың 4-тармағы, 71-баптың 5-тармағы, 79-баптың 2-тармағы және 83-баптың 3-тармағы нормаларының мағынасынан, тұтқынға алудың тәртiбiн және "қылмыстық жауапқа тартудың" мазмұнын айқындау заңмен реттеу нысанына жатқызылғаны келiп шығады. 4. Қазақстан Республикасы Конституциясының 74-бабы 3-тармағына сәйкес қаулы оны қабылдаған күннен бастап күшiне енедi және шағымдануға жатпайды, Республиканың бүкiл аумағында жалпыға бiрдей мiндеттi және Қазақстан Республикасы Конституциясының 73-бабы 4-тармағында көзделген жағдайды ескерiп, түпкiлiктi болып табылады. 5. Осы қаулы республикалық ресми басылымдарда қазақ және орыс тiлдерiнде жариялансын. жүктеу/скачать 7,99 Mb. Достарыңызбен бөлісу:
|