Қазақстан республикасында ана мен бала денсаулығын сақтау қызметін дамыту жөніндегі 2023-2030 жылдарға арналған тұжырымдама
жүктеу/скачать 174,92 Kb.
|
27.04 =F5 F8O
| 11. Балалар ауруларын интеграциялап жүргізу
Нәрестелер мен балалар өлімінің құрылымында басқарылатын себептердің болуы (тыныс алу ағзаларының аурулары және пневмония), үйдегі өлім, ата-аналардың үйде науқас балаға күтім жасау дағдыларының жеткіліксіздігі, антибиотиктерді шамадан тыс тағайындау, негізсіз ауруханаға жатқызу және т.б.) науқас балаларды қадағалап қарауда Балалардың ауруларын интеграциялап жүргізудің (бұдан әрі-БАИЖ) кейбір түйінді қағидаттары көп жағдайда сақталмайтынын дәлелдеп отыр. БАИЖ ендіру орнықтылығының жеткіліксіздігі мәселелері сақталуда, олар: - колледждер мен ЖОО-ларда БАИЖ оқытудың практикалық бағытының жеткіліксіздігі, оқыту әдістерінің сақталмауы; - жетекшілік пен тәлімгерліктің болмауына байланысты жұмыс орнында БАИЖ практикалық дағдыларын қолдаудың жеткіліксіздігі; - стационарлар мен емханаларда өткізілетін практикалық тренингтер санының айтарлықтай қысқаруы; - емдеу мекемесі басшылығы тарапынан БАИЖ қағидаттарын сақтауда қолдаудың болмауы. Республикада халықтың медициналық көмекке кеш жүгінуіне байланысты ауруханаға жатқызылған балалардың тәуліктік өлімінің, сондай-ақ үйде балалардың өлімінің жоғары деңгейі тіркелді. Кеш жүгіну ата-аналардың аурудың қауіпті белгілерін нашар білуінің және науқас баланың жағдайын дұрыс бағаламауының нәтижесінде орын алады. Осының барлығы патронаждық барулардың төмен тиімділігін және МСАК-тың патронаждық қызметін ұтымсыз пайдаланылатынын дәлелдеп отыр. 12. Балалар онкогематологиясы Балалардағы қатерлі ісіктермен сырқаттанушылық ересектермен салыстырғанда төмен, бұл ретте әлеуметтік әсер етудің айқын тиімділігіне ие. Қазақстан Орталық Азияда алғашқылардың бірі болып балалардың онкогематологиялық қызметін дамытты. 30 жыл ішінде бұл қызметте халықаралық стандарттар мен тәсілдер енгізілді. Елімізде онкогематологиялық аурулары бар балаларға медициналық көмек көрсетудің көп деңгейлі тәсілі жүзеге асырылды. Ауруды анықтау және алғашқы диагностиканы облыстық және қалалық балалар мамандары жүргізеді, үйлестіруді республикалық деңгейдегі екі ірі ғылыми орталықтар (Астана, Алматы қалаларында) жүзеге асырады. Онкогематологиялық аурулары бар балаларды емдеуде 15-тен астам мамандықты қамтитын пәнаралық әдіс жүзеге асырылды. Молекулалық-генетикалық диагностиканың заманауи әдістері, жоғары дозалы, интравитреальді химиотерапия бағдарламалары енгізілді, Ресей-Қазақстан донорларының тізілімі құрылды, гемопоэздік дің жасушаларын трансплантаттаудың барлық түрлері жүргізіледі. Балалық шақтағы қатерлі онкологиялық аурулардың ерекшелігі ісіктердің негізгі түрлерінің ісікке қарсы дәрілік терапияға жоғары сезімталдығы және нәтижесінде толық емдеудің жоғары мүмкіндігі болып табылады. Бүгінгі таңда балалардағы қатерлі ісіктердің 70-80 % ерте диагностикаланып, уақтылы емделсе жазылады. Қатерлі ісіктердің барлық нозологиялары бойынша балалардың жалпы өміршеңдігі орташа есеппен 2015 жылғы 54 %-дан 2020 жылы 72 %-ға дейін өсті. Осылайша біздің елімізде «обырды» балалар үшін фаталды ауру ретінде қабылдауды тоқтау керек. Сонымен қатар, қазіргі әлемдік үрдістер, өңірлердегі білікті балалар онкологтарының/гематологтарының тапшылығы және алғашқы медициналық көмек мамандарында онкосақтықтық шараларының төмен болуы жедел іс-шараларды уақтылы қабылдауды талап етеді. Қан түзетін дің жасушаларын трансплантациялау науқас баланың туыстары болып табылатын кәмелетке толмағандардың донорлығын енгізу тұрғысынан одан әрі дамытуды талап етеді. 13. Балалардағы орфандық аурулар 2022 жылдың соңында Қазақстанда 18 жасқа дейінгі орфандық аурумен ауыратын 13 184 бала тіркелді, бұл 0 жастан бастап 18 жасқа дейінгі балалардың жалпы санының 0,19 %-ын құрады. Орфандық аурулардың ішінде Драве синдромымен – 1397 (10,5 %), Эванс синдромымен – 1172 (8,8 %), жіті лимфобластикалық лейкозбен – 966 (7,3 %), бұлшықет дистрофиясымен 549 (4,1 %), муковисцидозбен – 105 (0,7 %)тіркелген. Қазіргі уақытта елімізде орфандық аурулардың мәртебесі айқындалып, тізбесі бекітілді, орфандық аурумен ауыратын пациенттерге диагностикалық және дәрілік көмек көрсету жолдары белгіленді. Соңғы жылдары орфандық ауруы бар балаларды диагностикалау, емдеу және дәрілік көмекпен қамтамасыз ету жақсарды. Клиникалық ұсынымдарға сәйкес балаларды ферментті алмастыратын терапиямен қамтамасыз етумен байланысты мәселелер шешілді. Алмастырушы терапия осы пациентттердің өмір сүру ұзақтығы мен сапасын арттыруға мүмкіндік берді. Мәселен Гоше ауруымен ауыратын балалардың өмір сүру ұзақтығы 2,2 есеге (10,3 жас), мукополисахаридозбен ауыратындар 1,7 есеге (10,2 жас), муковисцидозбен ауыратын балалардың өмір сүру ұзақтығы 16 жасқа жетті. Сонымен қатар бүгінгі күні аталған аурулар тобы менеджментінің инфрақұрылымдық мәселесі шешілген жоқ, балалардағы орфандық ауруларды жоспарлау және басқару жетілдіруді талап етеді. Бұл ретте диагностикалық спектрді морфологиялық зерттеулер (биопсия, иммуногистохимия) бөлігінде кеңейту керек, бұл оңтайлы терапиялық тактиканы таңдауға ықпал етеді. Алынған талдау нәтижелерін түсіндіре алатын білікті мамандарды даярлау қажет. жүктеу/скачать 174,92 Kb. Достарыңызбен бөлісу:
|