Оқу практикасының мақсаты, міндеттері және ұйымдастырылуы

- мемлекеттік жалпыға міндетті стандарттардың, оқу пәнінің типтік бағдарламаларының құрылымы мен мазмұнын білу және түсіну;

-нормативтік-құқықтық базаны, оның ішінде кәсіптік қызметте орта білім берудің жаңартылған мазмұнын қолдану;

- студенттердің пәнаралық білімін (педагогика, психология, әдістеме және т. б.) кәсіби тәрбие қызметінде қолдану;

- сынып жетекшісінің тәрбие жұмысын жобалау, ұйымдастыру, талдау туралы түсініктерін дамыту;

- білім беру ұйымының мультимәдени ортасында тәрбие жұмысын ұйымдастыру;

- есеп беру құжаттамасында тәрбие қызметін жобалау және талдау нәтижелерін көрсету, нақты сабаққа дидактикалық материалдарды іріктеуді жүзеге асыру.
Оқу практикасы біліктілігі жоғары мамандарды даярлаудың негізгі кезеңдерінің бірі болып табылады.

Оқу практикасының негізгі мақсаттары: арнайы пәндерді оқыған кезде алынған білімдерді орта білім беру ұйымның, яғни жалпы орта мектептің қызметін зерттеу негізінде бекіту, кеңейту және бір жүйеге келтіру; таңдап алынған мамандық бойынша бастапқы практикалық тәжірибені алу болып табылады.

Оқу практикасы – студенттің бітіретін кафедраның оқытушысының және практика базасының (ұйымының) тиісті бөлімінің маманының немесе басшысының жетекшілігімен жасалған өзіндік жұмысы т.б.

Оқу практикасының нәтижесінде қалыптастырылатын құзіреттіліктер:

1. 
   зерттеп отырған саладағы алдыңғы қатарлы білім элементтерін қоса алғанда, сол сала бойынша білімі мен түсінігін көрсете білу;
   
2. 
   осы білімі мен түсінігін кәсіби деңгейде қолдана білу (әр мамандықтың ерекшелігі бойынша).
   

Оқу практикасының міндеттері:

• 
  ұйымның жұмыс тәжірибесін зерттеу негізінде теориялық білімдерді жалпылау, бір жүйеге келтіру, нақтылау және бекіту;
  
• 
  олардың алдында тұрған міндеттерді шешу бойынша өз бетінше жұмыс істеу дағдыларын алу мақсатында әр түрлі ұйымдардың қаржылық қызметтерінің лауазымдарындағы ұйымдық және құқықтық жұмыстың тәжірибесін алу;
  
• 
  болашақ кәсіптік қызметтің міндеттерін табысты шешудің аса маңызды шарты ретінде құқықтық мәдениетті дамыту;
  
• 
  таңдаған мамандық бойынша алдыңғы қатарлы тәжірибені зерттеу;
  
• 
  алынған теориялық білімдердің негізінде шешімдерді қабылдау және жүзеге асыру, сонымен қатар олардың орындалуына бақылау жасау әдістерін меңгеру;
  
• 
  мемлекеттік және өзге де меншік түрлерінің негізінде қызмет атқарып отырған ұйымдардың қызмет жасау және экономикалық міндет атқару принциптерін зерттеу жөніндегі талдамалық және өз бетінше ғылыми-зерттеу жұмыстарының әдістерін меңгеру.
  

Практиканың ұзақтығы күндізгі бөлімінің студенттері үшін оқу процесінің кестесіне сәйкес құрайды (мысалы, 2 кредит -1 апта). Практиканың басталу және аяқталу күні оқу кестесіне сәйкес белгіленеді.

Практика басталғанға дейін әр студентке:

• 
  оқу практиканың бағдарламасы;
  
• 
  оқу практиканың әдістемелік нұсқауы;
  
• 
  практиканың күнделігі;
  
• 
  практикаға жолдама беріледі.