| 10.2.Тәрбиенің мәні және оның өзіндік ерекшеліктері
Тәрбие қажеттіліктен туындайды, яғни өскелең ұрпақ жаңа қоғамдық талаптарға икемделеді.
Тәрбие – мәңгілік, қасиетті жалпы ұғым. Адам қоғамының пайда болуына байланысты туындап, қоғамда өмір сүріп жатқан шақта ол жойылмайды. Ол адамның дамуына өндіргіш күштерді дайындауға қажетті.
Қоғамдық тарихи дамудың әр кезеңінде тәрбие өзінің қажеттілігіне, мазмұнына, формасына қарай нақты тарихи сипатта болады.
Тәрбие – жеке тұлғаның санасына, мінез – құлқына, дұрыс қалыптасуына әсер ететін құрал.
Тәрбие – адамзат баласының ғасырлар бойы жинақтап, іріктеп алған озық әлеуметтік тәжірибесін жас ұрпақтың бойына сіңіру,аға ұрпақ пен жас ұрпақтың өзара бір – бірімен әрекеттесу процесі.
«Тәрбиелеу – халықтар бойына білімге негізделген этикалық ізгіліктер мен өнерлерді дамыту» (Әл-Фараби).
«Тәрбие – біз кімдерді тәрбиелейміз, соларды жүрегіне ықпал ету ... Тәрбие – бізге мәлім адамгершілік әдет – ғұрыптарын меңгеруді мақсат көздеп, бір адамның екінші адамға ықпалы ... » (Л.Н. Толстой).
Достарыңызбен бөлісу: |
