1-тапсырма. Ұлағатты сөздердің мағынасын қалай түсінесіздер? Өзіңіздің болашақ кәсіби қызметіңізде ұран ретінде алуға болатын біреуін алып, жасаған таңдауыңызды дәлелдеңіз.
Еңбек қылсаң ерінбей, Тояды қарның тіленбей. Абай Құнанбаев
Даңққа жеткізетін жол еңбекпен салынады. Публилий Сир
Ісім оңсын десеңіз, сол істің маманы болыңыз. Даңқым шықсын десеңіз, көпшіліктің адамы болыңыз. әл-Фараби
Талантты әрі еңбексүйгіш адамдарға тосқауыл жоқ. Л.Бетховен
Еңбек қана адам жанын айқындыққа, жарасымдылыққа және өзіне-өзі ризалық сезімге кенелтіп, оны бақытты ете алады. В.Г.Белинский
Адам жұмыс істеген уақытта ғана толық адам болады. Ж.Гюйо
Әркімде сенген ісін орындауға жетерлік күш-қайрат болады. И.Гете
2-тапсырма. Ұлы Абайдың «Ақырын жүріп, анық бас, Еңбегің кетпес далаға» деген өлең жолдарын негізге ала отырып, өзіңіз білетін адал қызмет етіп жүрген адамдар туралы ойыңызды ортаға салыңыз.
3-тапсырма. Өзіңіз ұнататын мамандық бойынша «Қоғамға адал қызмет ету кодексін» жасап, дәптерге жазыңыз.
Адамдарға жарқын ойларымен, риясыз көмектесіп, ең алдымен, жеке басының пайдасы емес, басқалардың әл-ауқаты туралы ойлаған адам – халқына адал қызмет етеді.
Халқына адал қызмет ету адамға қуаныш, шығармашылық шабыт сыйлап, жаңа игі бастамаларға талпындырады. Мұндай адамдарды қазақ халқы «азамат» деп жоғары бағалайды. Сондықтан да, әрбір адам тек қана өзінің жеке басын, өз пайдасын ғана ойламай, өзгелер үшін де жақсылық жасауға ұмтылуы керек.
Мәтінді оқып, сұрақтарға жауап беріңіздер.
Достарыңызбен бөлісу: |
