Ќазаќстан республикасыныњ
Өзін – өзі бақылауға арналған сұрақтар
жүктеу/скачать 1,95 Mb.
|
Ќазаќстан республикасынын касипкерлик (3)
- Бұл бет үшін навигация:
- - КӘСІПКЕРЛІКТІҢ ҰЙЫМДЫҚ – ҚҰҚЫҚТЫҚ НЫСАНДАРЫ тақырып
| Өзін – өзі бақылауға арналған сұрақтар:
Кәсіпкерліктің мәні неде? Кәсіпкерліктің дамуы үшін қандай факторлар маңызды? Кәсіпкерлік қызметпен айналысуға кімнің құқығы бар? Кәсіпкерліктің дамуына қандай жағдайлар әсер етеді? Кәсіпкерлік үрдістің субъектілері кімдер? Азаматтардың қандай категориялары үшін кәсіпкерлік қызметпен айналысуға шектеулер қойылған? Кәсіпкерлік бизнестің объектілеріне не жатады? Кәсіпкерлік қағидаларының топтарын атап өтіңіз. Кәсіпкерліктің бағыттаушы қағидалары қандай? Кәсіпкерліктің ынталандырушы қағидалары қандай? Кәсіпкерлікпен айналысу мотивтері қандай? Кәсіпкерліктің ұйымдастырушылық, мінез – құлықтық қағидалары қандай? Кәсіпкерліктің жүйелік қағидалары қандай? Кәсіпкерлік орта түсінігін сипаттап беріңіз? Кәсіпкерлік сыртқы ортаның негізгі белгілерін атап өтіңіз. Ішкі кәсіпкерлік ортаның ерекшеліктері қандай? 7 - КӘСІПКЕРЛІКТІҢ ҰЙЫМДЫҚ – ҚҰҚЫҚТЫҚ НЫСАНДАРЫ тақырып: 2.1 КӘСІПКЕРЛІКТІҢ ҰЙЫМДЫҚ - ҚҰҚЫҚТЫҚ НЫСАНДАРЫ ЖӘНЕ ЕРЕКШЕЛІКТЕРІ Нарықтық экономика жүйесінде әртүрлі меншікке негізделген кәсіпорындардың ұйымдық – құқықтық нысандары жұмыс істейді. Кез – келген кәсіпорынның құқықтық негізі кәсіпкерлік болып табылады. Кәсіпорынның ұйымдық - құқықтық нысаны келесілермен анықталады: жарғылық қордың қалыптасу тәртібімен; кәсіпорын міндеттемелері бойынша жауапкершілік дәрежесімен; меншік нысанымен. Қазақстанда кәсіпорындардың барлық ұйымдық – құқықтық түрлерінің құқықтары мен мүмкіндіктері бірдей және заңдық тұрғыдан кепілдендірілген. Бірақ, кәсіпорындардың әрқайсысысының өз артықшылықтары мен кемшіліктер бар. Заңды тұлғалар коммерциялық және коммерциялық емес кәсіпорындар нысандарында құрылуы мүмкін (2 – сурет). Коммерциялық ұйымдарға шаруашылық серіктестіктер, өндірістік кооперативтер, акционерлік қоғамдар, мемлекеттік кәсіпорындар жатады. Заңды тұлғаны құру үшін құрылтай құжаттарын: жарғы мен құрылтай келісім – шартын әзірлеу қажет. Жарғыда келесідей ақпарат көрсетіледі: ұйымның ұйымдық – құқықтық нысаны; фирмалық аталуы; орналасқан жері; аты көрсетілген қатысушылар тізімі, орналасқан жерлері, мекен-жайлары, банктік реквизиттері (егер құрылтайшысы заңды тұлға болса), немесе төлқұжат бойынша аты, берілген жері мен уақыты, құжаттың берілген мәліметтері (егер құрылтайшы жеке тұлға болса); қызмет ету аясы мен мақсаты; жарғылық капиталдың мөлшері туралы мәліметтер, құрамы мен қалыптасу тәртібі, басқару мен бақылау органдарының құзіреттілігі; пайда мен зияндарды бөлу тәртібі; қайта құру мен жою тәртібі және шарттары. 2-сурет. Заңды тұлғалардың түрлері мен ұйымдық-құқықтық нысандары Құрылтай келісімшартында мыналар көрсетілуі керек: құрылтайшылар туралы мәліметтер; ұйымды құру туралы шешім; кәсіпорынның атауы; ұйымның орналасуы; құрылтайшылардың атауы, тұрғылықты мекен-жайы және күәландыратын құжат берілген мәліметтері (егер құрылтайшы жеке тұлға); ұйымды құру тәртібі; құрумен байланысты құрылтайшылардың міндеттемелері. Сонымен қатар басқа да қызметті жүзеге асыру бойынша құрылтайшылардың міндеттемелері, көрсетілген тұлғалардың құзіреттілігін анықтау, құрылып жатқан ұйымды тіркеу мен құру барысында оның мүдделерін қорғайтын басқа да тұлғалардың құзіреттілігін анықтау; жарғылық капитал мөлшері; ұйымның жарғылық капиталына әрбір салымшының ақшалай үлесінің құрамы, мөлшері мен салу мерзімдері туралы немесе натуралды нысанда немесе мүліктік құқықтар нысанындағы салымдарды ақшалай бағалау туралы мәліметтер, шешімді қабылдау тәртібі; ұйымның жарғылық капиталына қосымша салымдарды салу туралы, сонымен қатар ұйымның жарғылық капиталына салымдарды уақытылы салмау салдары; қатысушылар арасында пайда мен зияндарды бөлу тәртібі мен шарттары; ұйым қызметін басқару; жарғыны бекіту; заңды тұлға құрған құрылтайшылардың құрамынан оған қатысушылардың шығуы. Жарғы мен құрылтай келісім – шарты серіктестік мүшелерімен жалпы жиналысымен бекітіледі. Алуан түрлі ұйымдық – құқықтық нысандардағы коммерциялық ұйымдардың жарғылық капиталының ерекше белгілері, құрылымы мен қалыптасу тәртібі 4 және 5 кестелерде көрсетілген. жүктеу/скачать 1,95 Mb. Достарыңызбен бөлісу:
|