3-жұмыс.Зәрдің әрекетшіл ортасын анықтау. Жабайы жануарлардың зәрлерінің әрекетшіл ортасы алуан түрлі болады. Өсімдік тектес азықпен қоректенетіндердің әрекетшіл ортасы қалыпты жағдайда сілтілі, ал ет қоректі аңдарда зәрінің әрекетшіл ортасы қышқыл болады. Жабайы шошқа зәрінің бұл көрсеткіші қабылданған азық түріне қарай сілтілік, қышқылдық жаққа ауытқып отырады.
3.1- Сапалы индикатор қағаздың көмегімен мысық, ит зәрлерінің реакциясын анықтау. Әмбебап индикаторлық қағазға бір тамшыдан жоғарыда аталған жануарлардың зәрлерін тамызады. Зәрдің әрекетшіл ортасы қышқылдық болса, онда қағаз қызарады не сарғаяды, егер сілтілік болса- көгереді, бейтарап болса- қағаз түрі өзгермейді.
3.2-Зәрдің қышқылдық көрсеткішн рН-метрмен анықтау. Жоғарыда айтылған зәрдердің реакцияларының дұрыстығы рН-метр аспабының нұсқауы бойынша анықталады.
3.3- Зәрдің қышқылдық көрсеткішін титрлеу амалымен анықтау. Химиялық стаканға 10 мл сүзілген зәр өлшеп алып, оған 6 г қымыздық қышқылды калий ұнтағын және 2 тамшы фенолфталеин индикаторын қосады. Стакандағы сұйықты екі минут бойы шайқап араластырады да, 0,1н NaOH ерітіндісімен өзгермейтін қызыл түс пайда болғанға дейін титрлейді. Содан кейін зәрдің қышқылдығын төмендегі формуламен есептеп шығарады:
