Тестілеу уақытында тестілеу өткізетін Адам оқушылардың тестілеуге қатысуы мен қатыспағандығын негізгі тестілеуде (7) бағанға, қосымша тестілеуде (8) бағанға белгілейді. (Қосымша тестілеу негізгі тестілеуге оқушылардың 90%-дан төмені қатысқан жағдайда өткізіледі).
Оқушылар тізімінде бір-екі қосымша жол болады. Олар төмендегі жағдайларда қолданылады:
Сыныпқа Оқушылар тізіміне енгізілмеген жаңа оқушы келді. Бұл оқушы үшін бірінші қосымша жолға фамилиясы, аты, әкесінің аты, туған күні және жынысы жазылады; оған фамилиясына қарама-қарсы көрсетілген дәптердің нұсқасы беріледі.
Бумада Оқушылар тізімінде бар қандай да бір оқушыға арналған дәптер болмаған жағдайда. Бұл оқушы үшін бірінші қосымша жолға фамилиясы, аты, әкесінің аты, туған күні және жынысы жазылады; оған фамилиясына қарама-қарсы бірінші қосымша жолда көрсетілген дәптердің нұсқасы беріледі.
Сауалнамалау уақытында оқушының өзіне арналған сауалнаманы алғанына көз жеткізу керек – оқушының дәптерде берілген идентификациялық нөмірі міндетті түрде сауалнамадағы идентификациялық нөмірмен сәйкес болуы керек.
(7) және (8) бағандар екі бөлікке бөлінген. Бірінші бөлігі тестілеуге, екіншісі сауалнамалауға тиісті. Тестілеу өткізу жөніндегі нұсқауға сәйкес оқушылардың тестілеуге және сауалнамалауға қатысу статусы толтырылады. Оқушылардың әр кезеңге қатысуы немесе қатыспауы «C», «A», «NA» латын әліпбиіндегі әріптермен белгіленеді:
«С» - зерттеудің бұл кезеңіне қатысып, жұмысын орындады дегенді білдіреді;
«А» - зерттеудің бұл кезеңіне қатысқан да, тапсырмаларды орындаған да жоқ дегенді білдіреді;
«NA» - тестілеу өту уақытында оқушы бұл мектептің оқушысы емес дегенді білдіреді.
Шеттетілу себебімен зерттеуге қатыспаған оқушылар үшін (Мектеп координаторына арналған нұсқауды қараңыз) бұл бағандар толтырылмайды.
Оқушылар тізімін толтыру үлгісі 1 суретте берілген.
1 суретте берілген үлгіде негізгі тестілеуге оқушылардың 83% қатысқанына назар аудару керек (18 адамнан 15; санағанда шеттетілген және шығарылған оқушылар есептелмейді). Сондықтан сыныпта негізгі тестілеуге қатыспаған үш оқушы үшін қосымша тестілеу өткізілді. Жалпы қатысу коэффициенті 94% құрады (18 оқушыдан 17).
