Бағдарламасы / Сахнаға Абай мен Ахмет рөліндегі екі бала шығады. Өз өлеңдерін кезек-кезек оқиды
жүктеу/скачать 21,6 Kb.
|
тілдер мерекесі
- Бұл бет үшін навигация:
- Алтын Күннен бағасыз бір белгі боп
- Тіл тақырыбында бейнекөрініс көрсетіледі.
| Мұғалім: Мінеки, құрметті білім алушылар, қазақ халқында тіл жанашырлары өте көп. Өз тілін сезбеген бала — ана сүтін татпаған жетіммен тең. Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту. Қасиетті тілімізді өркендетуге қандай қосар үлестеріңіз бар?
1-оқушы: Сүйемін туған тілді — анам тілін, Бесікте жатқанымда-ақ берген білім! Шыр етіп жерге түскен минутымнан Құлағыма сіңірген таныс үнін. 2-оқушы: Ана тілім, Жүрегісің анамның. Жүрек-ана, Мен өзіңнен жаралдым. Сағат сайын саулығыңды тілеймін, Сенсіз мынау керегі не ғаламның! 3-оқушы: Ерлік, елдік, бірлік, қайрат, бақ, ардың Жауыз тағдыр жойды бәрін не бардың... Алтын Күннен бағасыз бір белгі боп, Нүрлы жұлдыз - бабам тілі, сен қалдың! /үшеуі бірге/ /Ортаға кеш жүргізушілері шығады./ I - жүргізуші: - Қайырлы күн! Ана тілін ардақ тұтар тіл жанашырлары! II - жүргізуші: - Армысыздар, өрлі де, асқақ рухты тәуелсіз елдің жас ұландары! Қазақстан Республикасы халықтарының тілдер күніне арналған «Тіл – ұлттық қазына» атты тәрбие сағатын ашық деп жариялаймыз! /Әнұран орындалады./ І – жүргізуші: Қайта туды қазағымның ай – күні, Күннен – күнге асар ма екен айбыны? Жетпіс жылда өтті талай кешуден, Қатар көріп шаттық , табыс, қайғыны. ІІ – жүргізуші: Қазақпын мен, қазақтың бөлшегімін, Қажеті не басқаның өлшемінің. Қазақ деген жалғыз ұлт мен боламын, Енді міне жетеді көпке үнім. І – жүргізуші: Тамаша өлең таңдайға татып балдай, Өз тілінде жыр оқу бақыт қандай! Жан-дүниең жарқырап сала берер, Ағарып келе жатқан атып таңдай. Колледжіміздің жас ақындары Тіл тақырыбына қалам алып, өлең жазған екен. Жас ақындарымызды ортаға шақырайық. _________________________________________________________________________________ _________________________________________________________________________________ І – жүргізуші: Ана тілі - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры. ІІ – жүргізуші: Біздің ана тіліміз – қазақ тілі. Ол тек отбасы , ошақ қасының ғана тілі емес, мемлекеттік тіл! І – жүргізуші: 5 – қыркүйек – Қазақстан Республикасы халықтарының тілдер мерекесі. Бұл – барша елге ортақ, жалпы халықтық мереке, барлық ұлт өкілдеріне көрсетілген құрмет. ІІ – жүргізуші: Бүгінде Қазақстан Республикасының Тіл туралы Заңына 22 жыл толып отыр. (пауза жасалады.) Тіл тақырыбында бейнекөрініс көрсетіледі. І – жүргізуші: Ерлік, елдік, бірлік, қайрат, бақ - ардың, Жауыз тағдыр жойды бәрін не бардың. Алтын күннен бағасыз бір белгі боп, Нұрлы жұлдыз, бабам тілі , сен қалдың. ІІ – жүргізуші: Қазақ халқы бар тарихын көшіп жүріп өткізсе де, батпаққа батырмай, құмға шашпай, жұртына қалдырмай, шабындыға алдырмай, барлық жинаған сөз байлығын, күйі мен жырын бізге жеткізді. /әдемі күй орындалады/ жүктеу/скачать 21,6 Kb. Достарыңызбен бөлісу:
|