БАҒдарламасы 3 Сүгірбаева А. С 37 10-11 сынып оқушыларына арналған «шешендік өнер» курсы 37

Рамазанова Ағуза Далабайқызы

«ТАҒЛЫМ» ТӘРБИЕЛІК ЖҮЙЕСІНІҢ БАҒДАРЛАМАСЫ

Тәуелсіз Қазақстан Республикасының мемлекеттігі және қоғамдық қатынас қалыптасу кезеңінде жалпы азаматтық құндылықтарды меңгерген тұлғаны тәрбиелеу мәселесі, оның рухани және адамгершілік бейнесін қалыптастыру, уақыт талабына сай жас ұрпақтың тән мен зердесін жетілдіру мәселесі ерекше мағынаға ие болуда.

Тәрбие қоғамдық құбылыс ретінде өскелең ұрпақтың қоғам өміріне, қоғамдық - өндірістік қызметке араласуы, олардың жастайынан әлеуметтік өзгерістерге, шығарамашылыққа, рухани азықтануына, жеке тұлға болып қалыптасуына ықпал ететін әлеуметтік – рухани үрдіс болып табылады.

Қазақстан Республикасының «Білім туралы» Заңында тұлғаның шығармашылық, рухани және тән мүмкіншілігін дамытуды, салауатты өмір мен әдептің берік негізі қалыптасуы, жеке бастың дамуы үшін зердені дамыту, патриотизмге (ұлтжандылыққа) тәрбиелеу, халық дәстүрлерін сыйлау, әлемдік және отандық мәдениеттің жетістігіне ортақтасуы қажет екендігі көрсетілген. (ҚР «Білім туралы» Заң, Алматы,1999, 55 – бет )

Оқушыға берілетін тәрбие жұмысы Қазақстан Республикасының мүддесін қорғайтын, жан – жақты дамыған жеке тұлғаны қалыптастыруға бағытталғаны жөн. Мақсат - қазіргі жас жеткіншек бойына еліне, жеріне, тіліне, тарихына, дініне деген сүйіспеншілікті дарыту. Тәрбие тамыры тереңде, тәрбиені беру жолдары сан алуан. Бұл ғасырдан ғасырға жалғасып келе жатқан қозғалыс.

Адам баласы емес, тіпті дұрыс күтім жасасаң қисық ағаш та түп – түзу көрікті болып өседі, ендеше бала тәрбиесі одан да жоғары ақылдылық пен даналықты қажет етеді. Ал теріс бағыттағы тәрбие адам баласына қасірет төндіретіні белгілі.

Қазіргі өркениетті заманда жастар әртүрлі ақпарат құралдарынан ұлттық санаға кері әсер ететін тәрбие мәліметтерін алуда. Олар: анаша, темекі, ішімдік, тонау, кісі өлтіру, жалаңаш жүру т. б. толып жатқан жағымсыз көрінстерге еліктеуде. Соның салдарынан қазіргі жастардың көбі қылмысқа ұрынып, адамгершілік, ар – ождан абыройын аяққа таптауда.

Ата – бабадан қалған мөлдір бұлақтай ұлттық тәрбиемізге дақ түсіру әдетке айналуда. Қазіргі кезеңде жаңа әдіс – тәсілдердің жаңа өмір ағымына сай қажеттілігі туындап отыр.

Қазақстан Республикасының «Білім туралы» Заңында қойылған міндеттерге негізделе отырып, «БҰҰ – ның бала құқы конвенциясында» жарияланған балалардың негізгі құқықтарын іске асыруда мектептердің тәрбие жүйесін жаңарту жолы белгіленген. Қазақстан Республикасы білім беру ұйымдарында кешенді тәрбиелеу бағдарламасына сүйене отырып, Қазақстан Республикасы, Білім және ғылым министрлігі бекіткен 2006– 2011 жылдарға арналған тәрбиенің кешенді бағдарламасы ұсынылды. Бағдарлама оқу және мектептен тыс жұмыс түрлерін қамтыған, жергілікті ерекшеліктерді ескере отырып, мектепке дейінгі, орта, арнайы және кәсіби білім беру мекемелерінің тәрбие жұмысының құрылымы мен мазмұнын жетілдіруге бағытталған.

Бағдарламаның мақсаты:

Жалпы азаматтық құндылықтарды меңгерген, жан – жақты дамыған, экономикалық ойлау қабілеті қалыптасқан, бәсекелесуге дайын, түрлі мамандықтарды меңгеруде, өмірдің қиын мәселелерін шешуде (мектеп – қоғам біртұтас тәрбие жүйесі арқылы) жылдам да бағдарлауға дайын тұлғаны тәрбиелеуге көмектесетін жағдай жасау.

1. 
   Білім беру мекемелеріндегі тәрбие жүйесінің нормативті - құқықтық негізін жандандыру.
   
2. 
   Білім беру мекемелеріндегі тәрбие жүйесінің тиісті ғылыми - әдістемелік, педагогикалық - ақпараттық жағдайларды, оның ішінде патриоттық тәрбие жүйесін қамтамасыз ету.
   
3. 
   Балалар мен оқушы жастардың ұлтаралық және этникалық қарым – қатынасын дамыту.
   
4. 
   Балалар мен оқушы жастар арасында әлеуметтік нашақорға қарсы иммунитетті қалыптастыру, дамыту мақсатында есірткіні және басқа зиянды заттарды қолданудың алдын алу жүйесін жетілдіру.
   
5. 
   Балалардың қадағалаусыз және панасыз қалуының алдын алу жүйесінің профилактикасы, олардың жағымсыз қылықтарын болдырмауды қамтамасыз ету.
   
6. 
   Балалар мен оқушы жастар арасындағы діни экстремизмге қарсы алдын алу, дайындық жұмыс жүйесін жандандыру.
   
7. 
   Тәрбиесі аса жауапкершілікті талап ететін балалар мен оқушы жастар арасында педагогика – психологиялық қолдауды қамтамасыз ету.
   
8. 
   Отбасы кеңестері және психолог – педагог мамандардың жұмыстарын ұйымдастыруды үйлестіру.
   
9. 
   Балалар және оқушы жастардың бос уақытын болмауын қамтамасыз ету.
   

Сынып жетекшілері «Тағлым» тәрбиелік жүйесін аптасына 1 рет өтетін сынып сағатының аясында жоспарлап өткізеді және оның тәрбиелік мақсатында «ҚР 2006– 2011 жылдарға арналған тәрбиенің кешенді бағдарламасының» бес бағытын басшылыққа алады.

1. Саяси – құқықтық тәрбие бағыты

2. Патриоттық тәрбие бағыты (ұлтжандылық)

3. Рухани адамгершілік тәрбие бағыты

4. Есірткіге қарсы күрес бағыты

5. Отбасы тәрбиесі бағыт
«Тағлым» бағдарламасы

(34 сағат)