Бағдарламасы бойынша мектепке дейінгі ересек жастағы топ педагогтеріне арналған

ҰОҚ барысы:

1. 
   Ұйымдастыру кезеңі. Педагог:
   

• 
  Балалар, табиғат бұрышынан білуге құмар Қоянның хатын тауып алдым. Ол хатында бөлме өсімдіктерін жақсы көретінін, бірақ оны қалай күту керектігін білмейтінін айтыпты.
  

2. Негізгі кезең.

• 
  Олай болса, Қоянға біздің бөлмедегі өсімдіктерді көрсетіп, оны қалай күту керектігін үйретейік.
  
• 
  Қоян, қарашы біздің топта бөлме өсімдіктері қандай көп. Балалар, осы өсімдіктердің атын атап көрейікші. Балалар педагогтің көмегімен өсімдіктердің атын атайды: бегония, қынагүл, қазтамақ, қырыққұлақ, кактус т.б.
  

• 
  Балалар, өсімдіктердің бәріне ортақ ұқсастықты айтып беріңдерші.
  
• 
  Олардың тамыры, жапырағы, сабағы бар.
  
• 
  Олардың бір-бірінен қандай айырмашылығы бар?
  
• 
  Олардың жапырақтары әртүрлі, бірінің сабағы жуан, бірінің сабағы жіңішке. Сөздік жұмысы жүргізіледі.
  

• 
  Енді Қоянға өсімдіктердің жанды организм екенін дәлелдеп беріңдер.
  

• 
  Өсімдіктер өседі, қоректенеді, су ішеді, ауамен демалады, өсуін тоқтатады.
  
• 
  Олар аузы жоқ болса, қалай қоректенеді, су ішеді?
  
• 
  Ол тамыры арқылы топырақтан қоректік затты, суды алады.
  
• 
  Ал ауамен қалай демалады?
  
• 
  Жапырағы арқылы демалады.
  
• 
  Жарайсыңдар, балалар, Қоянға көп нәрсе айтып бердіңдер.
  

• 
  Өсімдіктер алғаш өнген кезде қандай болады? (Балалар отырады).
  
• 
  Қалай өседі?
  
• 
  Жайлап көтеріледі.
  
• 
  Жапырағын қалай жаяды?
  
• 
  Қолдарын екі жағына жаяды.
  
• 
  Гүлдері қайда өседі?
  
• 
  Қолдарын жоғары созады.
  
• 
  Жаңбыр жауғанда гүлдер қайтеді?
  
• 
  Қолдарымен бастарын жабады.
  

• 
  Балалар, енді Қоянға өсімдіктерді қалай күту керек екендігін көрсетейік. Балалар алжапқыштарын киеді, қолдарына таяқшаларын, су сепкішті алады.
  
• 
  Өсімдік жақсы өсу үшін не керек?
  
• 
  Өсімдік жақсы өсу үшін ауа, жарық керек.
  

1. 
   Топырақты таяқшамен қопсытамыз.
   
2. 
   Жапырақтарының шаңын жұмсақ шүберекпен сүртеміз.
   
3. 
   Су құямыз.
   
4. 
   Жапырақтарына су бүркеміз.
   

• 
  Өсімдіктердің жапырағы, тамырына зақым келтірмес үшін, күту жұмысын қалай орындадыңдар?
  
• 
  Мұқият, ұқыпты, баппен, мейіріммен.
  
• 
  Жарайсыңдар, балалар! Сендер Қоянға өсімдіктерді күтуді үйреттіңдер. Енді ол да өсімдіктер өсіретін болады.
  
• 
  Ал енді олар неге бөлме өсімдіктері деп аталады?
  
• 
  Өйткені олар бөлмеде өсіріледі.