Курстың міндеті: «Экономика және кәсіпкерлік негіздері» студенттерге нарықтық қатынастар туралы, оның ішінде экономикалық тұлғалар арасындағы қатынастар төңірегінде теориялық білім беру мен тәжірибелік қабілеттер қалыптастыру. Табысты кәсіпкерлік сәттілік пен ақшаға тәуелді емес екенін, оның тәуекелге бел буу мен мұқият жоспарлауды қажет ететін процесс екендігін түсіндіру.
«Экономика және кәсіпкерлік негіздері»пәнінен оқу бағдарламасын құрастыру қисыны «Экономика және кәсіпкерлік негіздері» пәнінің ерекшеліктеріне және экономикалық, қоғамдық әлеуметтік дамудың басты қозғаушы күші болып саналатын нарықтық қатынастар және кәсіпкерлікті теориялық және практикалық тұрғыдан зерттеу қажеттілігіне негізделеді. Осыған байланысты курста төмендегілер қарастырылады: ұлттық есеп жүйесіне негізделген макроэкономикалық өлшемдер жүйесі; экономикадағы тауарлар мен ақша ағынының айналым моделі; макроэкономикалық тепе теңдіктің негізгі үлгілері: "AD-AS", "Кейнс кресі", "IS-LM"; тепе-теңдік жағдайдан ауытқудың себептері мен нысандары; жиынтық сұраныс пен жиынтық ұсынысқа ақша-несие және бюджет- салық саясатының әсері; мемлекет экономикасына сыртқы сектордың әсері.
Соңғы кездегі қаржы экономикалық дағдарыстың себебінен Қазақстан үшін тұрақты экономикалық өсу маңызды мәселеге айналды. Осыған байланысты бұл мәселе курстың барлық тақырыптарында қарастырылады яғни «Экономика және кәсіпкерлік негіздері» курсының өзегі болып табылады.
