ЖЕДЕЛ ТАМЫР ЖЕТІСПЕУШІЛІГІ
Талма,
кенеттен ақыл-есінен айрылу. Бұл жағдайда шұғыл ағару, мағналы әлсізденуі
анықталады. Ақыл-есінен айырылуы бірнеше секундтан бірнеше минутқа дейін (сиректеу
бірнеше сағатқа) созылуы мүмкін. Бұл кезде баланың қарашықтары ұлғаяды, сірі қабық
және қарашық рефлекстері әлсірейді немесе жойылып кетеді. Тамыр қысымы төмендейді,
жүрек дыбыстары тұншығып естіледі.
Талықсу (коллапс)
жедел пайда болған тамыр жарамсыздығы, тамыр тонусының
төмендуімен және қан айналу мөлшерінің азаюымен сипатталады.
Әдетте баланың жалпы жағдайы кенеттен нашарлайды. Ақыл-есі сақталған, бірақта,
бала талғаусыз (байыпсыздық) қалыпта болады, терісі боз түстеніп, мұрын ұшы,
бармақтары, ерні көгереді. Терісі мұздап, тыныс беткі, жиіленген болады. Пульстің
толықтығы азайып, соғысы жиіленіп, зорға анықталады. Тамыр қысымы мағналы
төмендейді (систолалық пен диастолалық бірге). Көк тамырлар басылады, жүрек
дыбыстары алғашқыда қатты естіліп, содан тұншығып естіледі. Оқтын-оқтын аритмия
(экстрасистолия) пайда болуы мүмкін.
Ерте жастағы балаларда талықсу кезінде тырысу және ақыл-есінен айырылуы
байқалуы мүмкін.
Достарыңызбен бөлісу: |
