АРАЛАСТАМАҚТАНДЫРУ Бір жасқа дейінгі сәбиді қосымша жасанды сүт қоспаларымен бірге ана сүтімен
көректендіру аралас тамақтандыру деп аталады.
Сәбилерді қосымша тамақтандыру үшін берілетін жасанды сүт қоспалары үстеме
тамақ деп аталады.
Аралас тамақтандыруға көшудің басты негізі – ана сүтінің жеткіліксіздігі
(гипогалактия). Ана сүтінің мөлшерін анықтау үшін салыстырмалы (тексеріп) өлшеу тәсілі
қолданылады. Бұл сәбиді тамақтануға дейін және тамақтанудан соң тәуліктің әр сағатында
салмағын өлшеу.
АРАЛАС ТАМАҚТАНДЫРУДЫҢ ЕРЕЖЕЛЕРІ. Аралас тамақтандыруды өткізгенде мынадай ережелерді сақтау қажет:
1. Аралас тамақтандыру үшін бейімделген және бейімделмеген қоспалар қолданылады;
2. Аралас тамақты біртіндеп 3-4 күннің ішінде тәуліктік тамақ мөлшерін толық
қамтамасыз ететіндей етіп енгізу қажет;
3. Аралас тамақтандырудың ең жақсы тәсілі, сәбидің әр тамақтануда ана сүтімен сүт
қоспасымен бірдей тамақтануы. Сонымен қатар, мынадай тәсілді де қолдануға болады:
үстеме тамақ өздігінен бір бөлек беріледі. Ана сүті аз мөлшерде болғанмен, оны
мүмкіндігінше ұзаққа дейін сақтау керек;
4. Сәбиге үстеме тамақты тек қасықпен беру керек, өйткені сүтті емізік арқылы оңай
емген бала емшек емуден тез бас тартады. Үстеме тамақты шыныдан бергенде, емізік
ұшында 3-4 ұсақ тесіктері, мүмкіндігінше қатты болуы керек.
1. Үстеме тамақ емшек емгеннен кейін беріледі;
5. Сонымен қатар, сәби ең аз болғанда тәулігіне үш рет емшек ему керек екенін естен
шығармау керек, өйткені, баланы сирек емізу сүттің азаюына әкеліп соқтырады.
94 сурет. а) Емізіктің тесігі өте үлкен болмау керек;
