Байланысты: ЖОҒАРҒЫ ОҚУ ОРЫНДАРЫНДА АҒЫЛШЫН ТІЛІН ОҚЫТУ ПРОЦЕСІНДЕ CLIL ЖҮЙЕСІНІҢ ӘДІС-ТӘСІЛДЕРІ МЕН МОДЕЛЬДЕРІН ҚОЛДАНУ
С1 моделі: көптілді оқыту. Бұл жағдайда, пәнді оқыту барысында әр оқу жылында бірнеше шет тілі қолданылады. Бұл оқыту моделі студентке бүкіл курсты аяқтағаннан кейін бірнеше тілде кәсіби білім алып шығуға мүмкіндік береді. Сонымен қатар, бұл модель өзге елдердің ең ынталы және дарынды студенттерін тартуға арналған. С2 моделі: пән мен тілді жанама кіріктіріп оқыту. Бұл оқыту моделі жоғары деңгейдегі ойлау процестерін қамтамасыз ету мақсатында тілді қолданудағы білім мен дағдыларды дамытуға баса назар аудара отырып, пәндерді қатарлас оқытуды көздейді. Тілді оқыту арнайы бағыттармен байланыстырылып отырады, сондықтан мамандықтарды оқытудың құрылымдық бөлімшелерінің құрамына кіретін шетел тілі мұғалімдері мамандарды даярлауға сыртқы қолдау көрсетеді. Пәндік-тілдік кіріктірілген оқыту процесінде студенттер шет тілін өз мамандығы бойынша жұмыс істеу үшін қолдану дағдысын алады.
