Таңдама жиынтықты зерттеу арқылы барлық бас жиынтық жөнінде қорытынды жасалынатын статистикалық зерттеу әдісі таңдама әдіс деп аталады.
Статистикалық әдістердің көмегімен таңдама қасиеттері бойынша бас жиынтықтың қасиеттері туралы анық тұжырым жасау үшін, таңдама репрезентативті болу керек, яғни мүмкіндігі бойынша бізге қажет бас жиынтықтың қасиеттерін бейнелеу керек.
Таңдау тәсілдері:
Ι. Бас жиынтықты бөлшектерге бөлуді талап етпейтін таңдау,
бұған жататындар:
а) жәй кездейсоқ қайталанбайтын таңдау;
б) жәй кездейсоқ қайталанатын таңдау;.
ΙΙ. Бас жиынтық бөлшектерге бөлінетін таңдау, бұған жататындар:
а) типтік таңдау;
б) механикалық таңдау;
в) сериялық таңдау.
Жай кездейсоқ таңдама деп барлық бас жиынтықтан обьектілерді бір-бірден алатын таңдаманы атайды. Егер алынған карточкаларды бумаға қайтармаса, онда таңдама жай кездейсоқ қайталанымсыз болады.
Типтік таңдама деп, обьектілер бас жиынтықтың барлығынан емес, оның әрбір «типтік» бөлігінен алынатын таңдаманы атайды.
