Бастауыш мектеп мұғалімінің қабілеттері
жүктеу/скачать 66,96 Kb.
|
педсессия
| Оқыту заңдылықтары:
Педагогикалық процестің заңдылықтары Ю.К.Бабанский, И.Я.Лернер, И.Ф.Харламовтың еңбектерінде кеңінен қарастырылған. Құбылыстар мен процестер арасындағы дамуды сипаттайтын мәнді байланыс философияда заңдылық деп аталады. Оқыту процесінің заңдылықтары оның тұтастығын дәлелдейді. Оқыту заңдылықтары арқылы оқыту процесі іске асады. Құбылыстар мен процестер арасындағы байланысты дамытудан заңдылық туындайды. Оқыту процесінің заңдылықтары: - Оқытудың қоғамның мұқтаждығына және жағдайына байланысты заңдылығы. Бұл заңдылықты іске асыру еліміздің әлеуметтік-экономикалық дамуына байланысты. Қоғамның экономикалық мүмкіндігі жоғары болса, мектептің оқу-материалдық жағдайы жақсарады. - Оқытудың, білім берудің және дамудың өзара байланыс заңдылығы. Оқыту процесі білім беру, тәрбие және даму процестерімен байланысты. Сондықтан оқыту жеке адамның жан-жақты дамуына көмектесе отырып, білім беру, тәрбие және даму функцияларының бірлікте іске асуына мүмкіндік туғызады. - Оқыту процесінде оқушылардың жас, дербес ерекшеліктерін есепке алу. Оқу-әдістемелік кешендерді жасағанда, оқу-тәрбие процесінде, организмді дене және психикалық дамыту жағдайында оқушылардың жас ерекшеліктерін, ал темперамент пен қабілетті, яғни дербес ерекшеліктерін есепке алады. Білім беру жеке адамның жас және дербес ерекшеліктеріне қарай сәйкестендіріліп ұйымдастырылады. - Оқыту процесінің міндеттерінің, мазмұнының, формаларының және әдістерінің өзара байланыс заңдылықтары. Оқыту процесінің барлық элементтерінің мақсаттары мен міндеттерін, мұғалімнің және тәрбиеленушілердің жұмыстарының мазмұнын, формаларын және әдістерін анықтайды. Оқыту процесінің міндеттері, мазмұны, формалары, әдістері тұтас логикалық тізбек құрса, онда қарастырылып отырған байланыс заңдылықтары ақырғы нәтижені қамтамасыз етеді. Ш.Х.Құрманалина, Б.Ж.Мұқанова, Ә.У.Ғалымова, Р.К.Ильясова оқыту заңдылықтарын былайша қарастырады: - Қоғам талабы оқытудың мақсат-міндеттерін айқындайды, оның мазмұны, әдіс-тәсілдері, ұйымдастыру нысандарының өзгеруі, жаңаруы заңды процесс. - Білім беру, тәрбие, дамыту қызметінің бірлігі. - Кез-келген ақпарат бірлігі, іс-әрекет тәсілі білім, іскерлікке айналу үшін мұғалім оқушының санасындағы білім, іскерлік, дағды деңгейіне сүйену керек. И.П.Подласый оқыту процесінің заңдылықтарын былайша топтастырады: - Оқыту мақсатының заңдылықтары. - Оқыту сапасының заңдылықтары. - Оқыту әдістерінің заңдылықтары. - Оқытуды ынталандыру заңдылықтары. Оқыту процесінің заңдылықтары оның принциптерінде бейнеленеді. жүктеу/скачать 66,96 Kb. Достарыңызбен бөлісу:
|