Педагогикалық жаңашыл технологиялық үрдістерді сатылап енгізу.
«Шығармашылық ізденіс-шеберлік шыңының баспалдағы» тақырыбында бастауыш сынып әдістемелік бірлестігінің онкүндігі болып өтті. Онкүндіктің жоспары бекітіліп, көрме ұйымдастырылды. Жоспар ашық сабақтармен, сыныптан тыс сабақтармен және инттелектуалды білім сайыстарымен қамтылды.
1 «Б» сыныбының мұғалімі Қажияхметова Б.Т. математика пәнінен «10 санынан азайту» атты ашық сабағында жазбаша қосу мен азайту кезіндегі амалдар тәсілін тәжірибеде пайдалана білуді топтарға бөліп, балалармен қызықты тапсырмаларды ұтымды ұйымдастыра білді.
4 «Ә» сынып жетекшісі Қыршымова Г.Қ. математика пәнінен «Арифметикалық амалдардың қасиеттері» атты ашық сабағында балаларды түрлі қызықты тапсырмалармен қызығушылықтарын оята білді. Оқушылар бір-біріне арналған тапсырмаларды орындады.
3 «А» және 3 «Ә» сыныптарының арасында «Жүзден жүйрік, мыңнан тұлпар» деген тақырыпта мақал-мәтелдер сайысы өтті. Өткізген 3 «Ә» сынып жетекшісі Хамзина Б.Е. Сайыс 7 кезеңнен тұрды. Әр кезеңдерде, мысалы сөздерден мақал құрау, әр топқа ұяшықтардан шыққан сөздер бойынша мақал айту деген тапсырмалар өте қызықты болды.
2 «А», 2 «Ә» сыныптары аралығында «Бәрін білгім келеді» атты сайыс сабақ өткізілді. Өткізген Маненова Б.К. Бұл сайыста барлық пәндер бойынша сұрақтар мен тапсырмалар болды. Логикалық тапсырмалар да қызықты өтті. Қиылған суреттерден сюжетті сурет құрау да болды. Жеңген топ марапатталды.
4 «Ә» сыныбында «Ата Заң – мемлекеттің басты тұғыры» атты ашық тәрбие сағаты өткізілді. Сынып жетекшісі Қыршымова Г.Қ. Тек оқушылар ғана емес, сонымен қатар ата-анлардан да құрылған топ болды. Сабақ 4 кезеңнен тұрды. Болашақ Қазақстан тақырыбында постерлер де қорғалды.
3 «А» сынып жетекшісі Бабенова Қ.Е. қазақ тілі пәнінен «Етістік» тақырыбында ашық сабақ өткізді. Шығармашылық тапсырмалар орындалып, АКТ технологиясы пайдаланылды.
2 «Ә» сынып жетекшісі Маненова Б.К. қазақ тілі пәнінен «Зат есімнің жекеше және көпше түрі» тақырыбы бойынша ашық сабақ өткізді. Сабақтың тақырыбы сөзжұмбақ арқылы шешілді. Одан әрі қызықты тапсырмалар орындалды. Тақтамен жұмыс та орындалды.
3 «Ә» сынып жетекшісі Хамзина Б.Е. қазақ тілі пәніне «Негізгі және туынды етістік» деген тақырыпта ашық сабақ өткізді. Сабақты топппен жұмыс түрінде ұйымдастырып, қорытындыда венн диаграмма жүргізді.
Өзін-өзі тану пәні бойынша ашық сабақты 2 «А» сынып жетекшісі Аубакирова А.Қ. өткізді. Тақырыбы «Жүрек жылуы». Оқушылар шаттық шеңберіне шығып, өз пікірлерін толықтай айта білу, жеткізу керек екендерін ұғынды. Түрлі видеофильмдер көрсетіліп, оқушылардың қызығушылығын оята білді.
1 «Ә» сынып жетекшісі Жылқыбаева Ж.Д. дүниетану пәнінен «Үйдегі өмір қауіпсіздігі» атты ашық сабақ өткізді. Сабақты өмірмен байланыстырып, әр оқушылардың үйіндегі қауіпті заттармен таныстырып, олардан қалай қорғану керек екенің суреттер мен постерлер арқылы түсіндіріліп, қорғалды.
Даярлық сыныбының «А» тобында көркем әдебиеттен «Қарлығаш пен Дәуіт» деген тақырыпта ашық сабақ өткізген Баймагамбетова А.А. сабақты сұрақ-жауап әдісімен бастап мультфильм көрсетілді. Қорытындыда балалар тақырыпты талдай келе өздері сюжет бойынша аппликация жапсырды.
1 «А» сынып жетекшісі Бабенова Қ.Е. математика пәнінен «Әріпті өрнектер» атты ашық сабағында қызықты тапсырмаларды орындатты. Ойын арқылы берілген тапсырмалар оқушылардың қызығушылығын оятатының дәлелдеді.
Даярлық сыныбының «Ә» тобында тіл дамыту пәні бойынша «Мамандықтың бәрі жақсы» атты сабағы ерекше түрде өткізілді. Балалар кішкентай болса да әр мамандық бойынша киімдер киіп,мамндықтың түрлерін анықтады. Олардың қызметтерін анықтай отырып, өздері де өскенде кім болатындарын айта өтті.,
4 «А» сыныбында әдебиеттік оқу пәнінен «Наурыз» тақырыбында ашық сабақ топтық жұмыстар арқылы өткізілді. Сынып жетекшісі Канафина А.Б. сабақта АКТ, СТО технологиялары қолданылды. «Ынта үзілі» әдісі де тиімді қолданылып, оқушылар интернет желісі арқылы да жұмыстар жүргізді.
Бастауыш сынып онкүндігі барысында әр сынып оқушылары «Ұлы Жеңіске – 70 жыл» тақырыбында суреттер көрмесіне және сөзжұмбақтар, ребустар, түрлі қызықты тапсырмалар орындады.
Онкүндіктің жабылу салтанатына орай әр сынып концерттік номерлер дайындады. Суреттер көрмесі мен қызықты тапсырмалар орындаған оқушылар мақтау қағаздарымен марапатталды.
Мектебіміздің директоры Найманова Айгүл Зейноллақызы балаларды ерекше атап, мақтау қағаздарымен марапаттады. Алдағы уақытта балалардың өнерлерін ары қарай шыңдай түсуіне тілек білдіріп, үлкен сахналардан көрінуіне сәттілік тіледі.
| 
