Михаил Николаевич Скаткин ( 1900) 3-4 сыныптарға арналған табиғаттану оқулықтарының авторы, бастауышта жаратылыстанудан білім берудің жолдары мен әдістерін талдаған әдіскер. Политехникалық оқуды жүзеге асыру жолдарымен де айналысқан. Автор өз еңбектерінде оқыту әдістерін екі топқа бөледі. Бірінші топқа сезімдік қабылдауға жағдай жасайтын әдістерді, екінші топқа оқушылардың бұрынғы тәжірибелерін пайдаланатын әдістерді жатқызады. М.Н.Скаткиннің оқулықтары мен әдістемелік нұсқаулары қазақ мектебінде кеңінен қолданылып келді. Ол әсіресе, оқушылардың танымдық әрекетіне әсер ететін табиғатты бақылауды ұйымдастыру, топсаяхатқа шығу, календар жасау әдістеріне көп көңіл аударды. Табиғаттану сабақтарында пайдаланатын көптеген көрнекіліктерсерияларын, сызбалар, бейнелі суреттер, кинофильмдер, өсімдіктер жиынтығының топтамасын жасап, оларды сабақта қолданудың әдістемелік нұсқауын берді. 1952 жылы "Бастауыш мектептегі жаратылыстануды оқытудың әдістемесі", 1956-жылы "Мектептің қазіргі даму кезеңіндегі политехникалық білім беру", "Білім беруде оқушылардың таным белсенділігін арттыру", 1965-жылы " Оқыту үрдісін жетілдіру" атты еңбектерін жазды.
Достарыңызбен бөлісу: |
