13. Тақырып: Күнделікті өзін-өзі бағалау журналы ЛЕКЦИЯ ЖОСПАРЫ
1.Күнделікті өзін-өзі бағалау журналы.
2.Ішкі жəне сыртқы шеңбер.
3.Бір сөйлемде барлығын айтып беру
4.Жазбаша түсініктеме (жазбаша кері байланыс)
5.Сөздік бағалау (ауызша кері байланыс)
Топпен бірге жұмыс кезінде оқушылардың оқудағы жетістіктерін бағалау Мұғалімдердің жиі қоятын сұрақтары:
Топтық жұмыс әдісімен оқушылардың жетістіктерін қалай бағалауға болады?
Топтық жұмыс әдісін бағалау формативті бағалауға қандай үлесін тигізеді?
Топпен бірге жұмыс жасау кезде қандайда бір істің атқарылуы маңызды емес, оның топпен қалай жасалғаны маңыздырақ. Бұл жағдайда жұмыстың нәтижесі ғана бағаланбайды, сонымен қатар жұмыс барысы да бағалануы тиіс, өйткені топта жұмыс істей білу оқушыны қалыптастырудағы өте маңызды құзіреттілік (компетенция). Бұл жағдайда формативті бағалау оқу процесінің бір бөлімі болып табылады, себебі топпен бірге жұмыс істеу арқылы оқушылар бір-бірімен ақылдасып, сұрақтар қойып олар өзара байланыс жасайды. Осы арада ұстаздың топтық жұмыс кезінде міндетті түрде бағалау керек еместігін есте ұстағаны жөн.
Топтық жұмысты бағалаудың бірнеше бағыттары бар.
ұстаздың әрбір топтың белсенділіктерін бағалауы;
ұстаздың белсенді қатысып отырған оқушыларды бағалауы;
Соңында кім бағалайтыны жайлы хабарлап алу; (мұғалімнің өзі; мұғалім мен оқушылар бірлесе отырып; тек қана оқушылардың өздері; арнайы әділқазылар)
Топтық жұмыстың уақыты мен өткізілу түрін анықтау;
Бағалаудың ұстанымдарын хабарлау;
Мұғалімнің топтық жұмысты бағалау кезінде топтағылардың әрқайсысына әр түрлі баға қоюы ұсынылмайды, себебі ол топтық жұмыстың белсенділігіне (концепциясына) кері әсерін тигізеді. Бірақ мұндай жағдайда да ұстаздың топтық жұмысқа қатысып отырған және мүлдем белсенділік танытпай отырған оқушылар жайлы айта кетуі жөн.
