Медициналық ұйымдарды қаржыландыру нысандары. Медициналық ұйымдарды қаржыландыру мынадай нысандарда:
мемлекеттік медициналық мекемелер шығыстар сметасы бойынша;
медициналық ұйымдар бюджеттік бағдарламалардың әкімшілерімен шарттық негізде медициналық қызметтер көрсетудің атқарылған көлемі үшін шығындарды өтеу арқылы;
алғашқы медициналық-санитарлық көмек көрсететін және бекітілген халқы бар ұйымдар жан басына шаққандағы норматив бойынша жүзеге асырылады.
Ақылы медициналық көмек алудың негіздері ме тәртібі. 1. Ақылы медициналық қызметтерді мемлекеттік және жеке денсаулық сақтау ұйымдары аурудың түрі мен медициналық және дәрігерлік қызметпен айналысуға арналған лицензияға сәйкес келгенде жеке медициналық іс-тәжірибемен айналысатын жеке тұлғалар көрсетеді.
2. Ақылы қызметтің түрлері мен олардың баға прейскуранты мемлекеттік және жекеше денсаулық сақтау ұйымдарындағы және жекеше медициналық іс-тәжірибемен айналысатын жеке адамдардағы көрнекі ақпарат арқылы азаматтардың назарына жеткізіледі.
3. Ақылы негізде көрсетілетін медициналық қызметтердің бағалары Қазақстан Республикасының заңдарына сәйкес айқындалады.
4. Азаматтарға ақылы қызмет көрсеткен кездегі есепке алу – есеп беру медициналық құжаттамасын жүргізу денсаулық сақтау саласындағы уәкілетті орган белгілеген нысан бойынша жүзеге асырылады.
5. Денсаулық сақтау ұйымы азаматтар өтініш жасаған кезден бастап ақылы медициналық көмекті уақтылы және сапалы көрсету үшін Қазақстан Республикасының заңдарында белгіленген тәртіппен жауапты болады.
