Байланысты: Áèëåò ¹1 Æ?ëûí æàíñûçäàíäûðó. Ê?ðñåò³ìäåð æ?íå æàñàó ?ä³ñòåð³. À
Қанды тікелей құю. Донордан реципиентке қанды тікелей құю өте сирек қолданылады. Қанды тікелей құюдың көрсеткіштері мынадай:
1. Гемофилиямен ауыратын науқастарда ұзақ уақыт қанының ағуы
кезінде гемостатикалық емнің қонбауы;
2. Массивті гемотрансфузиядан кейін және қан ауруларында қанның ұю
жүйесінің бұзылуы (жедел фибринолиз, тромбоцитопения, афибриногенемия);
3. ЦКК 25-50% қаны жоғалған III дәрежелі жаракаттық шок және
консервіленген қанды құюдан әсер болмаса;
Тікелей қанды құюға арналған донорды, қанды құятын станцияларда
зерттеп тексереді. Қан құю алдында донор мен реципиенттің топтық және резіс-факторлық сәйкес келуін анықтайды. Қан құюды шприцпен немесе аппарат көмегімен іске асырады. 20 мл көлемді 20-40 шприцті, венепункцияға арналған резеңке түтікшелі инелерді, залалсыз дәкелік шариктер мен Бильрот кыскыштарын пайдаланады. Операцияны дәрігер мен мейірбике жасайды. Мейірбике шприцпен донордың қан тамырынан қанды алады, резеңке түтікшені қысқышпен қысады да, шприцті дәрігерге береді. Ол науқастың кан тамырына қанды құяды. Осы уақытта мейірбике жаңа шприцке қанды қайтадан алады. Жұмыс синхронды жасалады. Қан құюдың алдында, қан ұйып қалмас үшін, алғашқы үш шприцке натрий цитратының 4% ертіндісін 2 мл-ден алып, бұл шприцтерден қанды ақырын енгізеді (бір шприц - 2 минут). Осылайша биологиялық сынама іске асырылады.
Қан құю үшін, роликті үрлегіші бар ПКП-210 аспабын да қолдануға
болады. Ондағы трансфузияның жылдамдығы - 50-75 мл/мин.
