Қанды қолқаның ішіне құю . Оны торакальді операция жасау барысында массивті қан жоғатудан дамыған клиникалық өлім жағдайында жасайды . Қанды құю шеткі артериялар ( жиірек сан , сирек иық артериядан ) арқылы қолқаға өткізілген катетердің көмегімен іске асыруға да болады . Қан құю қысыммен артерияға құйғандай жүйемен орындалады .
Қанды сүйектің ішіне құю . Бұл тәсіл өте сирек , басқа жолмен енгізу мүмкін болмаған жағдайда қолданылады . Мысаоы , үлкен көлемді күйіктерде . Қанды кемікті сүйектерге құяды төске , мықын сүйегінің қырына , өкше сүйегіне . Науқасты жатқызып қойып , төс сүйекке пункция жасайды . Жергілікті жансызданумен инені төстің тұтқасына немесе денесіне енгізеді . Ол үшін арнайы Кассирский инесі қолданылады . Операциялық аланды йодпен өңдейді . Тесікті орта сызықпен өткізеді , теріні , тері асты шел қабатын , тесті теседі . Төстің алдыңғы сүйек жарғағы кедергі жасауы мүмкін . Мандренді алып , ине арқылы шприцпен сүйек кемігін сорады . Содан соң , ине аркылы сүйек кемегіне 3-5 мл новокаиннің 1-2 % ерітіндісін енгізіп , қан құю жүйесін қосады.
Мықын сүйегінің қырын артқы үштен бір бөлігінің ортасында теседі өйткені сол жердегі кемікті сүйек борпылдақ болады және енгізу онай жүргізіледі .
Өздігінен сүйекке 1 минутта 10-30 тамшы қан ағады және 250 мл канды құю үшін , 2-3 сағат керек . Енгізу жылдамдығын арттыру үшін , флаконды жоғары көтеруге немесе 220 мм . сын . бағ . қысыммен флаконға ауа үрлеп қанды қысыммен жіберуге болады .
Достарыңызбен бөлісу: |
