Білім беру бағдарламасы МҰҒалімге арналған нұСҚаулық
жүктеу/скачать 0,58 Mb. Pdf көрінісі
|
Қаз. тар және ҚН Мұғалімге арналған нұсқаулық (1)
| Семинар
- сабақ . «Қазақстан тарихы» және «Құқық негіздері» пәндері бойынша семинар сабақта оқушылар берілген сұрақтарды жан-жақты талдап, өздерінің көзқарастарын білдіреді. Бұл оқушылардың зияткерлік әлеуетін дамытып, қосымша әдебиеттермен жұмыс істеу дағдыларын дамытуға мүмкіндік береді. Пән бойынша семинарды дайындау мен өткізуге қойылатын бірқатар әдістемелік талаптар бар: - Семинарға әзірлену барысында оқушылар жаңадан шыққан әдебиеттерді, дереккөздерді өз бетінше оқып үйренеді; семинарда жаңа материалдарды да оқып үйрену көзделеді; - Семинарда жоспардағы негізгі мәселелер бойынша міндетті түрде ұжымдық талқылау жүзеге асады. - Семинарды көбіне енді оқытылатын жаңа тақырып бойынша ұйымдастыруға болады, бірақ онда қарастырылатын бірқатар мәселелер оқушыларға бұрыннан таныс болғаны тиімді. - Семинарға алынған тақырып білімдік, тәрбиелік, оқушылардың ойлау қызметін дамытушылық жағынан маңызды әрі қызықтыратын болуы тиіс. - Семинардың болатыны туралы оқушыларға алдын ала бірнеше апта бұрын ескертіліп, қарастырылатын мәселелер, міндетті және қосымша әдебиеттер тізімі беріледі. - Оқушылардың келісімімен негізгі және қосымша баяндамашылар алдын ала белгіленуі тиіс. Міндетті, қосымша әдебиеттерді оқушылардың барлығы оқиды, бұларға қосымша тағы да дереккөздерді қарастырып, ғаламтор желісіндегі материалдармен танысқаны дұрыс. - Мұғалім баяндама жасайтын оқушыларға кеңес беріп, қажетті әдебиеттерді таңдауына, кітапханада каталогтар мен ғылыми, мемуарлық әдебиеттермен жұмыс істеуіне, үзінділер, шифрлар, фактілер, сөздіктер алуына, библиография жасауына көмектеседі. - Семинарға мұғалімнің өзі де жақсы дайындалуы тиіс. Семинардың мақсатын дәл анықтап, жоспарын мұқият ойластырып, уақытты тиімді пайдалануды жоспарлауы тиіс. жүктеу/скачать 0,58 Mb. Достарыңызбен бөлісу:
|