Білім беру бағдарламасы МҰҒалімге арналған нұСҚаулық
жүктеу/скачать 0,58 Mb. Pdf көрінісі
|
Қаз. тар және ҚН Мұғалімге арналған нұсқаулық (1)
|
4-кесте. Тарихи концептілер негізінде оқыту Дағды Тарихи концепт Күтілетін нәтиже I.Тарихи деректерді түсіндіру (интерпретация) 1.1. Дәлел Оқушылар: - қарастырылып отырған дәлелге қатысты тарихи айғақтың ерекшеліктерін талдайды, мысалы: аудитория, мақсаттары, көзқарастар, формат, дәлел, шектеулер және мәнмәтін; - тарихи айғақтарды талдау және бағалау негізінде дәйекті қорытынды жасайды; - өткен заман туралы объективті түсінік қалыптастыру мақсатында түпнұсқалық және қосалқы деректерден әртүрлі, кей кезде қарама- қайшы айғақтарды біріктіреді. II. Уақыт пен кеңістікте бағдарлану 2.1. Өзгеріс пен сабақтастық Оқушылар: - сабақтастық пен өзгеріске қатысты тарихи мысалдарды уақыт пен кеңістікке қатысты талдайды және бағалайды; - сабақтастық пен өзгеріске қатысты тарихи мысалдарды ұзақ уақыт бойы ауқымды тарихи үдерістер мен тақырыптарға дейін біріктіреді; - тарихи оқиғалар мен үдерістердің белгілі бір уақыт межесінде жүйеленуі мен ұйымдасуының негізін (критерийлер) түсіндіреді. III. Тарихи анализ және түсіндіру 3.1. Себеп және салдар Оқушылар: - бір немесе бірнеше себептердің және /немесе ықпалдардың өзара әрекеттесуін талдайды және бағалайды; - ұқсастықтарды, себеп-салдарды, өзара байланысты көрсете отырып тарихи себептілікті түсінеді; - тарихи құбылыс, оқиға немесе үдерісті басқа ұқсас тарихи құбылыстармен уақыт пен кеңістікте байланыстырудың әдістерін түсіндіреді және бағалайды 3.2.Ұқсастық және айырмашылық Оқушылар: - белгілі бір жерде, белгіленген бір уақыт кезеңінде және/немесе әртүрлі қоғамдарда, немесе бір қоғамның ішіндегі өзара байланысқан тарихи оқиғаларды салыстырады. 3.3. Маңыздылық Оқушылар: - қоғамның дамуы үшін тарихи оқиғаның, құбылыстың, үдерістің маңыздылығын анықтайды 3.4 Түсіндіру Оқушылар: - белгілі бір тарихи оқиғаға, құбылысқа, үдеріске қатысты әртүрлі көзқарастарды түсіндіреді және бағалайды. Оқу үдерісінің тиімділігін арттыру көп жағдайда сабақ барысында оқушылардың танымдық белсенділігін дамытатын және оқу үдерісін күшейтетін оқыту түрлері мен тәсілдеріне байланысты. Оқыту мен оқу - өзара тығыз байланысты үдеріс. Мұғалімдер оқушылардың қалай оқитынын неғұрлым жақсы түсініп, өздерінің оқыту тәжірибесін жақсартқан сайын, 21 олардың балаларды тиімді оқуға жетелеу қабілеті соғұрлым арта түспек. Ауқымды зерттеу жүргізу арқылы оқушылардың үлгеріміне ықпалы зор әдіс-тәсіл ретінде төмендегі стратегиялар анықталды: - белсенді оқу; - кері байланыс; - сенімін нығайту (мысалы, оқушының өзіне деген, өз мүмкіндігіне деген сенімін нығайту үшін мадақтауды пайдалану, қолдау көрсету); - оқыту сапасы (мысалы, көптеген саралау жаттығуларын жоспарлау және іске асыру). Оқушылардың оқу-танымдық әрекетін күшейту олардың шығармашылық қабілеттерін дамытуды көздейді. Оқушылар жоғары жетістіктерге жетуі үшін мұғалімдер сабақта белсенді оқуды қолдайтын оқыту тәсілдерін қолданады. Оқу үдерісінде оқушының белсенділігін арттыратын әдіс-тәсілдерді шеберлікпен қолдану оқушылардың танымдық қабілеттерін дамыту құралы болып табылады. Қазақстан тарихы мен құқық негіздерін оқыту тәжірибесінде сабақ, конференция, дәріс, практикум, экскурсия, қосымша факультативтік сабақтар арқылы оқыту түрлері және келесі тәсілдер кенінен қолданылады: әңгімелеу, сұхбат, кітаппен жұмыс істеу, бақылау, экрандық оқу құралын көру, тәжірибелік жұмыс. Сабақ сыныпта оқу үдерісін ұйымдастырудың негізгі үлгісі болып табылады. Қазақстан тарихы мен құқық негіздерін оқытуда сабақтың келесі түрлері қолданылады: жаңа білімді игеру сабағы, білімді тәжірибеде қолдану сабағы, өткен тақырыпты пысықтау және қайталау сабағы, білімді бақылау және жинақтау сабағы, аралас сабақ. Сабақтың түрі сабақтың дидактикалық мақсаттарына байланысты таңдалады. Жеке, жұптық, топтық және ұжымдық жұмыс түрлері арқылы оқыту сабақтың барлық түрлеріне тән болып табылады: - жеке жұмыс – оқушының жұмысты өз бетінше орындауы; - жұптық жұмыс – «оқушы-оқушы», «оқушы-мұғалім» тәртібіндегі жұмыс түрі; - топтық жұмыс – топтың құрамына байланысты (3-5 адам) шағын топтық және бүкіл сыныптық (жаппай) жұмыс; мұнда топтың барлық мүшесі бірігіп бір тапсырманы/тақырыпты немесе оның бір бөлігін орындайды; - ұжымдық, яғни ауыспалы жұптар арқылы ұйымдастырылған жұмыс; мұнда әрбір оқушы жеке тақырыпты/тапсырманы орындап, жұптағы екінші оқушымен талқылайды. жүктеу/скачать 0,58 Mb. Достарыңызбен бөлісу:
|