Білім беру бағдарламасы МҰҒалімге арналған нұСҚаулық
жүктеу/скачать 0,58 Mb. Pdf көрінісі
|
Қаз. тар және ҚН Мұғалімге арналған нұсқаулық (1)
| Иллюстрация
әдісі арқылы оқушыларға иллюстрациялық құралдар: плакат, кесте, картина, карта, суреттер, үлгілер көрсетіледі. Оқу үдерісіне жаңа ақпараттық-техникалық құралдарды енгізу оқытудың көрнекілік әдісінің мүмкіндіктерін кеңейтуде. Қазіргі уақытта көрнекі құралдың жаңа түрі – жеке тұлғалар қолданатын компьютерлерге, интербелсенді тақталарға, электрондық оқулықтарға ерекше көңіл бөлінуде. Оқу үдерісінде қолданылатын көрнекілік түрлері әр алуан: -Табиғи көрнекілік: оқушыларды нақты нысандармен (өсімдіктермен, жануарлармен, минералдармен) таныстырады. -Эксперименттік көрнекілік арқылы оқушылар пән бойынша эксперименттер, тәжірибелер жүргізеді. -Суретті көрнекілік: нақты дүниенің бейнесін көрсету (бейнесурет, картина, диафильм, мылқау кинофильмдер). -Жасанды көрнекілік: макет, үлгі, муляж, геометриялық фигуралар, плакаттар, портреттер, панорама. -Дыбыстық көрнекіліктер: күйтабақтар, үнтаспаға жазылған материалдар, т.б. -Символдық және графикалық көрнекілік: карта, жоспар, сызба, диаграмма. (абстрактілі ойлауды дамытуға көмектеседі, себебі болмысты шартты белгілермен белгілейді) -Техникалық көрнекіліктер: киноаппараттар, диафильмдер, диапроэкторлар, эпидиаскоптар, телевизор, радио т.б. Оқытудың көрнекілік әдісінің мынадай шарттарын ұсынуға болады: - көрнекіліктің оқушылардың жас ерекшелігіне сәйкес болуы; - көрнекілікті сабақтың қажетті сәтінде қолдану; - көрсетілетін затты барлық оқушылардың көруі; - иллюстрацияның ең бастысын, мәндісін нақтылау; - құбылыстардың көрсетілімі кезінде берілетін түсініктерді мұқият ойластыру; - сабақта көрнекіліктің алуан түрін қолдану, бірақ тым көп көрнекілік қолданбау, себебі балалардың назары басқа жаққа ауып, тақырып бойынша ең негізгі мәселе назардан тыс қалуы мүмкін; - көрнекілікті қолданып оқушының сезіміне қозғау салу, қалыптасқан түсініктерге сүйеніп, меңгерілетін ұғымды нақтылау; - оқушылардың өздері жасаған көрнекіліктердің әсері мол болатындықтан, көрнекілікті балалармен бірге жасау; - көрнекі құралдарды қолданып оқушылардың зейінін, ақыл-ой мәдениетін, жобалай білу дағдысын, оқуға деген қызығушылығын тәрбиелеу; - балалардың жас ерекшеліктеріне қарай заттық көрнекілікті азайтып, символдық көрнекіліктерді қолдануға ауысу. жүктеу/скачать 0,58 Mb. Достарыңызбен бөлісу:
|