Қазақстан Республикасының Тұңғыш Президенті –
Елбасы Н.Ә. Назарбаевтың өмірбаяны
• 1940 жылғы 6 шілдеде Алматы облысы Қаскелен ауданының Шамалған ауылында туған. 1967 жылы Қарағанды металлургия комбинатының жанындағы техникалық ЖОО бітірген.
• Экономика ғылымдарының докторы. Қазақстан Республикасы Ұлттық Ғылым академиясының, Халықаралық инженерлік Академияның, Ресей Федерациясы әлеуметтік ғылымдар Академиясының академигі. Әл-Фараби атындағы Қазақ ұлттық университетінің құрметті профессоры. Беларусь ғылым академиясының құрметті мүшесі. М. В. Ломоносов атындағы Мәскеу мемлекеттік университетінің құрметті профессоры.
• 1960 жылдан 1969 жылға дейін Қарағанды металлургия зауытында жұмыс істеді.
• 1969 жылдан 1973 жылға дейін Қарағанды облысы Теміртау қаласындағы партия-комсомол жұмыстарында жауапты қызметтер атқарды.
• 1973-1977 жылдары – Қарағанда металлургия комбинатының партия комитетінің хатшысы.
• 1977-1979 жылдары – Қарағанды облыстық партия комитетiнiң хатшысы, 2-хатшысы.
• 1979-1984 жылдары – Қазақстан Коммунистік партиясы Орталық Комитетінің хатшысы.
• 1984 - 1989 жылдары – Қазақ КСР Министрлер Кеңесiнiң төрағасы.
• 1989-1991 жылдары – Қазақстан КП ОК бiрiншi хатшысы және 1990 жылғы ақпан-сәуір аралығында Қазақ КСР Жоғары Кеңесiнiң төрағасы болды.
• 1990 жылғы сәуірден бастап – Қазақстан КСР президенті.
• 1991 жылғы желтоқсанның 1-інде тұңғыш рет Қазақстан Республикасы Президентінің жалпыхалықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98,78 %) жеңіске жетті.
• 1995 жылғы сәуірдің 29-ында жалпыхалықтық референдум нәтижесінде Қазақстан Республикасы Президенті Н.Ә.Назарбаевтың өкілеттігі 2000 ж. дейін ұзартылды.
• 1999 жылғы қаңтардың 10-ында өткен жалпыхалықтық сайлаудың нәтижесiнде Н. Назарбаев 79,78 % дауыс алып, Қазақстан Республикасы Президенті болып қайта сайланды.
• 2005 жылғы желтоқсанның 4-інде сайлаушылардың 91,5 % дауысын алып, Қазақстан Республикасының Президенті болып қайта сайланды.
• 2010 жылғы 14 маусымда Қазақстан Республикасының «Қазақстан Республикасының кейбір конституциялық заңдарына Қазақстан Республикасы Тұңғыш Президентінің – Елбасының қызметін қамтамасыз ету саласында заңнаманы жетілдіру мәселелері бойынша өзгерістер мен толықтырулар енгізу туралы» №289-IV Конституциялық Заңы күшіне енді.
• 2011 жылғы сәуірдің 3-інде сайлаушылардың 95,5 % дауысын алып, Қазақстан Республикасының Президенті болып қайта сайланды.
• Қазақстанның Қарулы Күштерінің Жоғары Бас Қолбасшысы.
• Қазақстан халқы Ассамблеясының төрағасы.
• «Нұр Отан» Халықтық-демократиялық партиясының төрағасы
• Қазақстан Республикасы Қауіпсіздік Кеңесінің Төрағасы.
http://upravlnlie-gos-zakupkami.crealog.kz/ru/nash_kz_2/
Достарыңызбен бөлісу: |