Жаяу Мұса Ақ сиса
Ақ сиса,қызыл сиса,сиса,сиса,
Қалмайды кімдер жаяу зорлық қылса,
Шорманның Мұстапасы атымды алып,
Атандым сол себептен Жаяу Мұса.
Дариға іш күйеді зарлығына,
Сенді ғой мал басының молдығына,
Қорқамын тағы дүре соға ма деп,
Сонда да шыдамаймын қорлығына.
Үш жүзге атым мәлім Жаяу Мұса,
Қалмайды кімдер зорлық қылса,
Аттыдан жаяу жүріп кек аламын,
Жігіттер шамаң келсе маған ұқса
Біржан сал - "Лəйлім шырақ"
Ләйлім шырақ, дегенге, Ләйлім шырақ,
Таудың аққан құм қайрақ сен бір бұлақ.
Қайыс болсын, жіп болсын, неге керек,
Шідерімнің бағасы қырық қысырақ.
Өзіме бер, шідерім тауып алсаң,
Елу теңге берер ем, сүйінші алсам.
Жерде шіріп қалса да, өзіме бер,
Шыбын жаным қиылсын, бітім алсам.
Біржан сал Адасқақ
Созады Біржан даусын қоңыр қаздай,
Басқаға өзіңнен жүрмін жазбай.
Бас қосқан мәжілісіміз болады деп,
Жанбота, мазамды алдың ала жаздай.
Айтады Біржан өлең ентелетіп,
Біржанды халқым қойған еркелетіп.
Есерге поштабайдай көз алдыңа,
Біржанды қойғаның ба желкелетіп?
Достарыңызбен бөлісу: |
