Бөкейхан атындағы жалпы орта мектебі Тәрбие саласы бойынша аудандық семинардың тақырыбы

Эстетикалық және рухани сұлулық тәрбиесінде халықтық тағлым сөздер

Біз осы уақытқа дейін білім - күш деп келдік. Шын мәнінде нағыз күш –тәрбиеде. Ендеше тәрбие бар жер де мақсат бар, мақсат бар жерде білім басты қажеттілік болып табылады. Біздің мақсатымыз еліміздің келешегіне үлес қосу негізінде мектепте жан –жақты зерттеу жұмыстарын жүргізе отырып , жоғарыдан нұсқау күтпей-ақ, ұрпақ бойына ұлттық сананы қалыптастыратын мыңдаған жылдық тарихы бар , ата-бабамыз қалап кеткен ұлттық педагогиканы басты негіз етіп алдық. Ата-бабамыз бізді тек адамгершілікке, адалдыққа, имандылыққа, парасаттылыққа , әділдікке, бауырмалдыққа , мейірімділікке, қамқорлыққа, шыдамдылыққа тәрбиелейді. Үлгілі, ұлағатты , киелі, тапқыр, дуалы, баталы, дана сөздері арқылы бойымыздан жаман әдеттерді тазалайды.

Ұлттық педагогикамызда көрсетілгендей , өмірдегі кез-келген табыстарға жету ең негізгі екі нәрсеге тәуелді.