Орындаушының төлемақы шоттарын уақтылы ұсынбауы және/немесе нысанға сәйкес емес ұсынуы Тапсырысшыны уақтылы төлемегені үшін жауапкершіліктен босатады.
Тұрақсыздық айыбы, орындау және залал
Шартпен көзделген тұрақсыздық айыбын төлеу Тарапты міндеттемесін заттай орындаудан, сондай-ақ жіберіп алған пайдасын қосқанда, барлық шығындарды өтеуден, егер екінші Тарап өзге шешім шығармаса, босатпайды.
15.6. Орындаушы осы Шарттың кез келген шартын бұзған, қате, кемшілік жіберген жағдайда, осы себептерге байланысты жоспардан тыс өндірістік операцияларға және (немесе) Бұрғылау қондырғысының қаңтарылуына әкеліп соқтырғанда, Орындаушы Бұрғылау қондырғысын Тапсырысшының тәуліктік жалға алу мөлшерлемесі есебімен Орындаушының кінәсінан болған қаңтарылу уақытына сәйкес Тапсырысшыға айыппұл төлейді.
15.7. Орындаушының осы Шарт бойынша қажетті сақтандыруды жүзеге асырғанын растайтын сақтандыру полистерін ұсынуды Орындаушы кешіктірген жағдайда, Орындаушы Тапсырысшының алғашқы талабы бойынша Шартта көзделген әрбір кешіктірілген сақтандыру түрі үшін Шарттың жалпы құнының 0,1 %-ы мөлшерінде айыппұл төлейді.
15.8. Осы Шарт бойынша Қызметтерді көрсету барысында Тапсырысшыға келтірілген, Орындаушы Тапсырысшыға төлейтін сақтандыру өтемінен басқа, залалдар мен зияндарға байланысты кез келген заңды талаптарды реттеумен байланысты Орындаушының жалпы жауапкершілігінің мөлшері Қазақстан Республикасы заңнамасына сай жүзеге асырылады.
