КЕҢ ТАРАЛҒАН ОРМАН ТИПТЕРIМЕН ТАНЫСТЫРУ

Студенттердi кең таралған орман типтерiмен таныстыру, оқу-тәжiрибелiк немесе өндiрiстiк орман шаруашылығында орналасқан тұрақты немесе уақытша орман типологиялық бақылау алаңдарында тiкелей болу арқылы жүргiзiледi.

Сандықтау оқу-тәжiрибе орман шаруашылығында экскурсиялар екi маршрут бойынша жүзеге асырылады.

Әр студент, орман түрiнiң белгiлi бiр типiнен тұратын бақылау ауданына келiп, учаскенi жiтi қарап шығады, оның жер бедерi ерекшелiктерiн, орнын, топырағын, жарықтануы, орман шымылдығы астындағы қайта жаңару мен ауысудың бағытын, орман астарының, шөп жамылғысының өсуi мен дамуын, өсiмдiктер мен қоршаған орта қарым-қатынасын белгiлейдi, сүрекдiң пішінін, құрамын, жасын, бонитет сыныбын (класын), толымдылығы мен қорын анықтайды.

Содан соң оқытушы орман типiн кеңiнен сипаттап бередi және түсiнбеген сұрақтарға жауап бередi.

Орман типiн сипаттау барысында бланк (кесте 3.2) толтырылады.

Әр бригаданың студенттерi орман учәскесiмен танысу кезiнде бақылау ауданының шетiнен тыс жерлерден орман типiндегі индикатор-өсiмдiктерден гербарий жинайды.

Олар жиналған өсiмдiктердi құрғатады, стандартты парақтарға тiгедi және (аттарын көрсетпей) нөмiрлейдi. Парақ және өсiмдiктi өз атауымен 3.3-кестеге түсiредi.

Тақырыпты орындаған соң жиынтығы шығарылады және тиiстi қорытындылар жасалады.

1. 1 және 2-маршруттардың орман типтерiмен танысу.

2. Орман типі бойынша гербарий жасау.

3. Өсiмдiктердiң түр құрамын анықтау.

4. 3.2 және 3.3-кестелерді толтыру.