Тезистің аргументпен байланысын (демонстрацияның) бекерлеуде ұсынылған тезисті дәлелдейтін тәсілдің негізсіздігін айқындау арқылы, оның ақиқат не жалғандығы туралы нақты пікір айтылмайды. Басқаша айтқанда, егер тезис ой тұжырымның ережелерін сақтамай дәлелденген болса, онда ондай аргумент бекерленді деп есептелінеді. Таңбалануы: А-дан қисынды турде Т-да — (Т-да) туындамайды А — ақиқат Т - дәлелденбеді. Оқылуы: егер аргумент не тезисті, не антитезисті негіздемесе, онда тезис бекерленеді Бұл бекерленудің басты мақсаты аргументті бекерлеудегі сияқты тезистің дәлелденбегендігін негіздеу болып табылады. Мысалы, 1999 ж. Белградтағы Қытай елшілігін АҚШ бастаған НАТО әскери күшінің бомбылағаны белгілі. Вашинггон (АҚШ үкіметі) бұл оқиғаны «бомбаның байқаусызда өз межесінен ауытқып кетуінің кесірінен болған «трагедиялық қателік» деп түсіндірген болатын. Ал, Қытай үкіметі болса бұл оқиға «трагедиялық қателіктің» салдары емес, керісінше, алдын-ала жоспарланған іс-әрекеттің салдары деп дәлелдеуге тырысты. Осындай қорытынды жасауға түрткі болған АҚШ үкіметінің өз пікірлерін «байқаусызда ауытқып кеткен» — деген аргументінің күмән туғызатындығы болды.
