Білімділік: Дененің көлемі. Призманың, параллелепипед көлемін есептеуді меңгерту. Студенттердің көпжақтар туралы алған білімдерін кеңейте отырып, есепте қолдануды үйрену; бізді қоршаған ортадағы көпжақтар туралы білу; көпжақтардың өмірде қолданылуы.
Дамытушылық: Студенттердің ой–өрісін дамыту; ой ұшқырлығын арттыру. Пәнге деген қызығушылығын арттыру.
Тәрбиелік: Студенттердің жауапкершілік және өзін–өзі бағалау қасиеттерін қалыптастыру; ұқыптылыққа, сызбаны дұрыс сызуға баулу; ұлттық тәрбие беру.
Сабақтың түрі, әдісі
бекіту; білім мен дағдыны тиянақтау; жүйелеу сабағы.
Студенттер үшін оқу нәтижелері
- Құнды пікір айтуға, басқаның ойын сыйлауға үйренеді.
- Топпен жұмыс жасай отырып балалар еркін ойлауға қалыптасады.
- Өздігінен кез-келген көпжақтарға берілген есептерді шеше алады.
- көпжақтардың қоршаған ортада кездесетіндігіне көздері жетеді.
Ресурстар
Интерактивті тақта, геометриялық фигуралар, сызба, жазба материалдар, оқулық.
Студенттердің қызығушылығын ояту мақсатында төмендегідей «П әрпінен басталатын АНАГРАММА» шешу.
1. Екі жағы параллель жазықтықтарда жататын өзара тең көпжақтар, ал қалған жақтары параллелограмдар болып келген көпжақ. (призма)
2. Призманың барлық бүйір қырлары (параллель)
3. Табандары параллелограмдар болатын призма. (параллелепипед)
4. Көпжақтардың ерекше түрі, әлемнің 7 кереметінің бірі. (пирамида)
5. Тік бұрышты үшбұрыштың гипотенузасының квадраты оның катеттерінің квадраттарының қосындысына тең. Теорема . (Пифагор)
6. Пирамида биіктігі дегеніміз-оның төбесінен табан жазықтығына түсірілген. (перпендикуляр)
7. Дұрыс көпжақтарды әлемнің идеалистік бейнесінде.....денелері деп атайды. (Платон)
Өзін–өзі тексеру
Әр топ рет бойынша бір-бір сұраққа кезекпен сұрақты оқып,жауабын тақтаға жазады.
Түсіну
Біз күнделікті өмірде куб пен тік бұрышты параллелепипедті жиі кездестіреміз. Сіріңке қорабы, кітап, бөлме, көп қабатты үйлер, сок пакеттері, карандаш тағы басқалар. Яғни табиғатта және техникада, тұрмыста көпжақтар көп кездеседі және қолданылады.
Енді тақырыпқа көшейік
Оқулықты ашып жаңа тақырыптағы анықтамаларды оқыңдар.
I топқа сұрақ: Призма туралы толық мәлімет беріңіз?
II топқа сұрақ: Параллелепипед туралы толық мәлімет беріңіз?
Студенттер
жаңа сабақты өздері меңгереді. топпен пікірлесіп, берілген тапсырмаға топтың бір мүшесі жауап береді.
