Білім беру саласы: Денсаулық. Таным Бөлімі: Денешынықтыру.
Тақырыбы: Көктем келді, көктем! (Таза ауада өткізу) Мақсаты: Самокатпен сырғанау, ұзындыққа секіру дағдыларын қалыптастыру.
Міндеттері:самокатпен сырғанау кезінде бұрыла білуге, тепе-теңдікті сақтауға үйрету. Бір орында тұрып ұзындыққа секіргенде дененің бастапқы қалпын дұрыс сақтау, қолды төмен-алға қозғалтып, оны аяқтың серпілісімен үйлестіру қабілетін жетілдіру. Қозғалыс үйлесімділігін, зейінін дамыту, ептілікке баулу; төзімді болуға, тәртіпті болуға, күшті әрі алғыр болуға деген қызығушылығын қалыптастыру. Күтілетін нәтиже: жасайды: залдың бір жақ шетінен қарама-қарсы шетіне қатармен жүреді, көзге арналған гимнастиканы жасайды, бір орында тұрып ұзындыққа секіру, допты лақтыру және қағып алу тапсырмаларын. түсінеді: кесілген бөліктерден суретті қалай құрастыру керектігін, тұрақты тепе-теңдік сақтауды, допты алға шығарып ұстап, алға-жоғары лақтыру керектігін, секіргенде қол мен аяқты үйлесімді қимылдатуды. қолданады: орындық үстінде тепе-теңдік сақтау қабілетін, секіру үшін екі аяқпен бір уақытта итерілу қабілетін, кеңістікте бағдар табу қабілетін, самокатпен сырғанаған кезде бір аяқпен екіпнді түрде итерілуді, қалай бұрылу керек екенін.
