Glaucini hydrochloridum - глауцин гидрохлориді (Б): 0,05 таб. - 1 таб. тәулігіне 2-3 рет белгіленеді.
Tusuprex - тусупрекс 0,01 жөне 0,02 таблеткада шығарылып, 1 -2 таб. тәулігіне 3-4 рет белгіленеді.
Әсері шеткерлік жөтелге қарсы дәрілерге либексин жатады. Ол ОЖЖ-не эсер етпейді. Либексин дәріге тәуелділік тудырмайды, сол себептен бейнаркотикалық жөтелге қарсы дәрілерге жатқызамыз.
Libexinum - либексин (Б): 0,1 таб. - 1 таб. тәулігіне 2-4 рет.
Қиыстырылған препараттары:
Broncholytinum - бронхолитин (Б): 125 мл флаконда (глауцин гидрохлориді + эфедрин гидрохлорид/ + шалфей майы+ лимон қышқылы) 1 ас қасықтан тәулігіне 3-4 рет белгіленеді.
Stoptussin - стоптуссин (бутамират цитраты + гуафензин) - 10 мл флаконда, 30-40 тамшыдан 100 мл сұйықтықпен (су, шай жэне т.б.) күніне 3 рет тамақтан соң белгіленеді.
Қақырық түсіретін дәрілер
Бұл дәрілер бронх шырышының секрециясын күшейтіп, қақырықтың жөтелмен бөлінуін жеңілдетеді. Қақырық түсіретін дәрілер жыбырлатқыш эпителий белсенділігі мен бронх бұлшық етінің жиырылуын күшейтіп, қақырықтың түсуіне алып келеді. Қақырық көбірек, сүйығырақ болып қабынған шырышты бүркеп, сыртқы тітіркендіргіштен қорғайды да, ол қабыну процесінің төмендеуіне алып келеді.
Қақырық түсіретін дәрілер қабынумен жүретін бронх-өкпе ауруларын, бронхиалды обструкция синдромын кешенді емдеу үшін қолданылады.
Қақырық түсіретін дәрілерді екпе туберкулезінің ашық түрінде, өкпеден қан кетуде, ОЖЖ-ң, жүрек-қан тамыр жүйесінің (органикалық) ауруларында, асқазан мен ұлтабардың ойық жара ауруларында қолдануға болмайды.
Достарыңызбен бөлісу: |
