II Бөлім. Гобелен кілемі және оның түрлері, түс пен ою-өрнектің маңызы Гобелен кілемі және оның түрлері мен тоқылу техникасы
Кілем тоқу – тұрмыс қажетіне байланысты халық қолөнерінде ертеректен белгілі, ел арасында кеңінен тараған, дамыған өнер. Кілем күнделікті тұрмыста кеңінен пайдаланылатын жүннен жасалатын бұйымдардың ішінде басты орын алып, әлі күнге өз мақсатын жоғалтпай келеді. Еліміздің түпкір-түпкіріне кең тараған осы бір өнер түрінің өріс алып, бай мазмұн мағынаға ие болып, одан әрі дамып отырған жері, әсіресе, республикамыздың оңтүстік аудандары. Тұрмыста қолдану сипатына, әркімнің қолда бар шикізат мөлшеріне қарай кілем тоқудың түрлері де әр алуан. Әркім өз қалауынша көлемін таңдап алған қалыпқа лайықтап, қазіргі тұрмыста кеңінен қолданылып жүргені – түкті кілем және тақыр кілем.
