Білім алушының әдебиетті зерделеуі және өздігінен жұмыс жоспарын жасауы тақырып таңдаумен байланысты. Ең алдымен, тақырып мәселелерін (сұрақтарын) жеңіл түрде берілген оқу әдебиеті бойынша (оқулықтар, оқу құралдары және т.б.) зерделеген жөн, сонан соң тереңдете талдауға көшу керек.
Әдебиетті, пән бойынша талаптарды зерделей келе, білім алушы курстық жұмысының жоспарын және қойылған сауалдарға жауаптардың мазмұнын ойластыруға тиісті.
4. Курстық жұмысты дайындауға жетекшілік
Курстық жұмысты жазғанда жалпы әдістемелік нұсқаулармен бірге жетекшінің нұсқауларын да пайдалану қажет. Бұл талаптардың орындалуы міндетті.
Жеке бір сұрақтарды зерделеумен байланысты кедергілер туса, білім алушы курстық жұмыстың жетекшісінен көмек сұрай алады.
Курстық жұмыс білім алушытің таңдаған тақырыбы бойынша өзіндік жұмысының қорытындысы (нәтижесі) болып табылады. Жұмыс толық, айқын жазылып, ең бастысы - онда қойылған сұрақтар толық ашылуы қажет. Сұрақтар таңдалып, жүйеленген және зерделенген материалды өз сөзімен жазылған түрде баяндалуға тиісті.
