3-жаттығу. Мәтінді оқып шығып, зат есімдерді теріп жазыңыз. Балапан
Қараторғайдың қоп-қоңыр балапаны есін білгенде, өзінің асты жұп-жұмсақ, жан-жағы қап-қатты тақтай үйшікте жатқанын аңғарады. Бір ұяда өзінен басқа да тыпырлаған бес «домалақ» бар екен. Кішігірімдеу тесік арқылы үйшіктеріне жарық сәуле түсіп тұр. Бір мезгіл тастай қараңғы болады да қалады. Біраздан қайтадан жарық боп кетеді, содан соң қайтадан қараңғы түседі. Кішкентай балапан күн мен түннің ауысуын түсінбейді. Жаңағы тесік арқылы таң атқаннан күн батқанша, бірі шықса, бірі кіріп, өздеріне жем тасумен жүргеннің біреуі — енесі, екіншісі әкесі екенін іші сезеді.
