Әлеуметтік педагогика
Пенитенциарлық мекемелердегі тәрбие және білім беру үдерістері
жүктеу/скачать 1,49 Mb.
|
аза стан республикасы ылым ж не білім министрлігі леуметтік п
| 15.1 Пенитенциарлық мекемелердегі тәрбие және білім беру үдерістері
Қазіргі уақытта пенитенциарлық-педагогикалық жұмыстар теориясының мынадай міндеттерін бөліп көрсетуге болады: а) түзетушілік (қайта тәрбиелеу) педагогикалық жүйесін және оны пенитенциарлық мекемелер жағдайында жетілдіру мүмкіндіктерін ғылыми-теориялық зерттеу; б) сотталғандарды қайта тәрбиелеу процесінің заңдылықтарын айқындау және негіздеу; в) қайта тәрбиелеудің, пенитенциарлық мекемелер жағдайындағы тәрбие жұмыстарының ұстанымдарын, мазмұнын, құралдарын, формалары мен әдістерін зерттеу; г) жазаларын өтеу органдарындағы педагогикалық жүйенің дамуын болжау; д) қылмыстық жазалау мүмкіндіктерін сотталған адамға әлеуметтік-педагогикалық ықпал ету әдісі тұрғысынан зерттеу; е) адамды түзету өлшемдері мен көрсеткіштерінің дәрежесін анықтау, осы ұғымдарды практикада қолданудағы оның мазмұнын сипаттау; ж) пенитенциарлық мекемелердің түзетушілік және қайта тәрбиелеу қызметтерінің ықпал ету нәтижелерін зерттеу; з) бұрынғы сотталғандарды босатқаннан кейінгі өмірге бейімделуін жетілдіру жолдарын жасау және негіздеу; и) қылмыстың алдын алудың әлеуметтік-педагогикалық проблемалары; к) пенитенциарлық педагогиканың отандық және шетелдік тәжірибесін, біздің жағдайларда оларды қолдану мүмкіндіктерін зерттеу. Түзетушілік-педагогикалық жұмыстардың негізгі категориялары: Жазалаушылық-тәрбиелік процесс – бұл сотталған адамды қылмыстық жазалауын өтеу шеңберінде түзету, қайта тәрбиелеуді қарастыратын қызмет жүйесі. Түзетушілік-тәрбиелік процесс – арнайы білім беру мекемелері жағдайларында балалардың, жеткіншектердің және ересектердің түзелуіне, қайта тәрбиеленуіне ықпал ететін мақсатты бағытталған және басқару жұмыстары. Пенитенциарлық мекемелердегі білім беру - тәрбиелеу процесі – арнайы білім беру мекемелеріндегі сотталған балаларды және жеткіншектерді оқыту және тәрбиелеу (түзету, қайта тәрбиелеу). Оның міндеттері болып жалпы орта (толық), сондай-ақ бастапқы кәсіби білім беру және онымен бірдей уақытта оларды қайта тәрбиелеуге қол жеткізу. Түзетушілік-еңбек арқылы ықпал ету – бұл адамды мақсатты дамыту, тәрбиелеу қызығушылығында еңбек іс-әрекеттерін педагогикалық тұрғыда ұйымдастыру мүмкіндіктерін пайдалану. Түзету (адамды) – сотталған адамға адамгершілік құндылықтарды сіңіруге, кемшіліктерінен, жағымсыз әдеттерінен, мінез ақауларынан арылуға мақсатты бағытталған тәрбиелік қызмет нәтижесінде оның тұлғасын сапалы жағымды тұрғыда өзгерту процесі. Қайта тәрбиелеу – бұл тәрбие қызметіне, адам тәрбиесінің алдыңғы нәтижесін түзеуге (түпкілікті коррекция), тұлғалық кемшіліктерін толықтыруға, жақсы қасиеттері мен сапаларын сіңіруге, мінез-құлқындағы, қарым-қатынастағы нормалары мен ережелеріндегі әлеуметтік зиянды әдеттерден және т.б. арылтуға бағытталған процесс. Түзетушілік-тәрбиелеу процесі белгілі бір әлеуметтік-педагогикалық мақсатқа қол жеткізуді қамтамасыздандыратын тәрбиеші мен тәрбиеленушінің өзара әрекетін, педагог істерінің жүйелі бірізділігін қамтиды. Ол бірқатар кезеңдерден тұрады және белгілі бір объекттегі өзінің әлеуметтік-педагогикалық қызметіне бағыттайтын субъекттермен қамтамасыздандырылады. Тәрбие субъекттері – түзетушілік мекемелерінің қызметкерлері, әлеуметтік педагогтар (тәрбиешілер). Олар екі үлкен топқа бөлінеді: аттестациядан өткендер және жалданбалылар. Өздерінің функционалдық міндеттеріне тәуелді және тәрбие процесін қамтамасыздандыруда да ұйымдарға әр түрлі тұрғыдан қатысады. Тікелей тәрбиемен айналысатындар: отряд бастықтары, мектептер мен кәсіптік-техникалық училищелер оқытушылары, әлеуметтік педагогтар (тәрбиешілер); тәрбиемен қосымша айналысатындар: режимдік-оперативтік, өндірістік, медициналық бөлімдер мен қызмет көрсету қызметкерлері. Тәрбиелеу, қайта тәрбиелеу объектілері - әр түрлі себептермен заң бұзған және сотпен сотталған адамдар. Олар жас, жыныс ерекшеліктеріне, әлеуметтік тұрғыда қауіптілігіне, жазасын өтеу қатынастарына, дініне және т.б. қарай ажыратылады. Түзетушілік процесінің негізгі кезеңдерінің мазмұны қандай? жүктеу/скачать 1,49 Mb. Достарыңызбен бөлісу:
|