34) Оқыту үрдісіне элективті курстарды ендіру мәселелері Оқыту үрдісіне элективті курстарды ендіру мәселелерінде авторлардың еңбектерінің және негізгі мектеп химиясы бойынша ұйымдастыру ерекшеліктеріне арналған бірқатар зерттеулерді талдау нәтижесінде, бейіналды дайындық мәселесінің кең аспектілі және көп жоспарлы екендігі байқалды. Бірақ, вариативті компоненттің оқу курстары қазіргі заман ғылыми зерттеулер өрісінен тыс қалып отыр, сонымен қатар негізгі пәндермен салыстырғанда олардың арнайы бағыттылығы ескерілмеген. Бұл сұрақтың теориялық тұрғыдан жеткіліксіз жасақталуы мектептің білім беру практикасында элективті курстарының оқушыларға бағдар беру нәтижелерінің жеткіліксіздігіне әкеп соғады. Соның салдарынан оқу жоспарына элективті курстарды ендіріп, оның мазмұны мен құрылымын химия пәнімен тығыз байланысты қарастыру мәселесі туындап отыр. Қазақстанда тәжірибе эксперимент жұмысы Алматы қаласының «Жаңа Ғасыр» №175 мектеп-гимназиясында, Көкшетау қаласының №17 мектебінде, Ш.Уәлиханов атындағы Көкшетау мемлекеттік университетінің «Мерей» лицейінде, Көкшетау университетінің жанындағы лицейде, Ақмола облысының Зеренді ауданына қатысты Шағалалы орта мектебінде жүргізілген. Экспериментке 454 оқушы қатысып, солардың ішінде элективті курс таңдағандары 229 оқушы болған. Қазіргі таңда білім реформасы әлемнің көптеген дамыған елдерінде жүргізіліп жатыр. Мұнда басты назар білім берудің бейінді жіктеу проблемасына аударылады
35) Оқыту үрдісіне элективті курстарды ендіру мәселелеріне үлес қосқан ғалымдар Оқыту үрдісіне элективті курстарды ендіру мәселелерінде А.А.Кузнецов, Е.Я.Аршанский, О.С.Габриелян, В.А.Орлов, Д.С.Ермаков, Г.Д.Петрова, К.А.Сарманова, Д.М.Қазақбаева, С.Д.Муканова, А.Е.Касенова, А.С.Звягин және т.б. еңбектерінің маңызы зор.
36) Бейінді оқыту және бейіналды дайындық мәселесіне үлес қосқан отандық педагогтар Бейіндік оқыту және бейіналды дайындық мәселесімен отандық педагог-ғалымдарымыз, М.Ж.Жадрина, Е.А.Ушуров, Р.С.Омарова, К.У.Қонақова, С.Д.Мұқанова, М. Р.Көпжасарова С.А.Тәжібаева және т.б. айналысуда.
