Өз- өзін талдау хаттамасы Талдау жүргізуші: Мусаева Ақерке
Жаттығу тақырыбы:Бокстағы оқу жаттығулары
Жаттығудың мақсаты: 1.Қозғалыс қасиеттерін дамыту (жылдамдық, күш, ептілік, шыдамдылық, иілгіштік)
2. Балалар мен жасөспірімдердің үнемі спортпен айналысуға тарту. 3.Балалардан болашақ спортшы дайындау
Жаттығудың тәрбиелік мақсаты: Салауатты өмір салтын насихаттау, адамгершілік, ерліктілік және эстетикалық қасиеттерді тәрбиелеу. Өздеріне жүктелген жауапкершілікті сезіндіру.
Жаттығу түрі:Оқу жаттығу сабағы
Жаттығуда қолданылатын әдістер: Негізгі жаттығуларды көрсету, түсіндіру. Жаттығулардың дұрыс жасалуын қадағалау. Бұйрық беру және орындалуын қадағалау
Ұйымдастыру әдісі: жекелей, топ.
Дайындық бөлім.
Тізім бойынша топта 14 бала бар,соның 10ы қатысты. Спортшылар жаттығудың басынан бастап спорт киімінде болды. Жаттығу сапқа тұрғызудан басталды. Жаттығудың тақырыбы, мақсаты мен міндеттері түсіндірілді. Жаттығу жоспарына сәйкес назарға дене дамуы мен спортшылардың дене дайындығы деңгейін ескере отырып , психологиялық, физиологиялық , педагогикалық заңдылықтары дұрыс талапқа сай қойылған. Пайдаланылатын әдістері зерттеу және сабақтың мақсаттары кезеңдеріне сәйкес келеді. Ұйымдастыру нұсқаулар толық ұсынылған.
Жаттықтырушы өз оқушыларының алдында дұрыс ұстайды. Жаттығу жасауларын мұқият қадағалап отырады. Жаттықтырушының бұйрық беруі өте жақсы. Дайындық бөлімі бойынша оқушылар жаттығуды дұрыс жасады.
Негізгі бөлім. Дайындық бөлімінен негізгі бөлімге уақытында көшті. Жаттығу өткізу орны, құрал – жабдықтар барлығы талапқа сай ұйымдастырылды. Жаттығудың әр бөлігі үшін бөлінген уақыты және тиімді. Бокс бойынша оқу жаттығу сабағы (дайындық бөлімі – 30 минут, негізгі бөлім – 50минут, қорытынды бөлім – 10 минут, барлығы 90минут) нормалармен және талапқа сай қойылған.
Ауызша әдістер(түсіндіру, нұсқау, әңгімелеу, талқылау) жаттықтырушы сабақта дұрыс қолдана алды.
Негізгі бөлімде спортшылар бокс бойынша оқу жаттығудың әдіс-тәсілдерін үйренді. Жаттығу барысында қауіпсіздік ережелерімен оқушылардың жеке басының жіберген қателеріне көп көңіл бөлді.
